Otbasyndaǵy agressordyń qurbandary – názik jandylar, tipten balalardyń densaýlyǵyna zııan kelip, psıhologııalyq kúızeliske dýshar bolyp jatqan jaǵdaılar az emes. Gulbolsyn jobasy osy oraıda qaladaǵy názik jandylardyń quqyqtaryn qorǵaýǵa, zorlyq-zombylyqtan zardap shekkenderge kómek berip, qoldaý kórsetýge, ózine-ózi qol jumsaý jaǵdaılarynyń aldyn alý maqsatynda jumys isteýde.
Atalǵan joba Almatynyń daǵdarys ortalyqtarymen, sonymen qatar áleýmettik ana ortalyqtarynyń jelisi – «Baqytty otbasy» bastamasymen birge belsendi júzege asyp keledi. Osy oraıda daý-damaıdy sheshý, teńdik máseleleri, turmystyq zorlyq-zombylyqtyń aldyn alý boıynsha pikir alańdary men kezdesýler uıymdastyrylyp otyrady. Keńes berý úshin qabyldaý bólimderi ashylyp, psıhologter, zańgerler, jattyqtyrýshylar sııaqty mamandar qyzmeti jolǵa qoıylǵan ári senim telefondary damylsyz qońyraý qabyldaıdy. Osy ortalyq mamandarynan joba bastalǵan aralyqta 1552 adam kómek alsa, olardyń úreı men qorqynyshtan arylyp, jańasha ómir bastaýǵa umtylysy qýantady. Ortalyq mamandarynyń keńesiniń arqasynda kúsh-qýat alyp, qalypty jaǵdaıda ómir súrýge bel býǵan názik jandylar tyń bastamalardyń, jańa isterdiń bastamashysy bola bilýde. Joba osy jyldyń jeltoqsan aıyna deıin jalǵasady.
ALMATY
