Instagram jelisinde jarııalanǵan aqparatqa sáıkes, jol apaty Abaı - Gorkıı kósheleriniń qıylysynda bolǵan.
«Jaıaý júrginshiniń ústine kirpish qabyrǵa qulap ketti. Tezirek saýyǵyp ketýine tilektespin. Júrgizýshiler, jol ústinde abaı bolyńyzdar, jyldamdyq rejımin saqtańyzdar! Polısııa qyzmetkerleri men jedel járdem qyzmetine jedeldigi úshin rahmet», dep jazdy jeli qoldanýshylary.
Oblystyq polısııa departamenti jol apaty 1 qarasha kúni saǵat 08:40-ta bolǵanyn habarlady. VAZ-2110 markaly avtokóliginiń 21 jastaǵy júrgizýshisi M.Gorkıı kóshesimen júrip, Abaı kóshesiniń qıylysynda Honda markaly avtokóligine jol bermegen. Nátıjesinde eki kólik soqtyǵysyp, VAZ júrgizýshisi jeke úıdiń qorshaýyna soǵylǵan. Dál sol sátte kirpish qorshaý jaıaý júrginshiniń ústine qulaǵan.
«Jol-kólik oqıǵasy saldarynan jaraqat alǵan adam aýrýhanaǵa jetkizildi. Honda avtokóliginiń eki jolaýshysy medısınalyq kómekke júgindi», dep naqtylady Pavlodar oblysy PD baspasóz qyzmeti.
Vedomstvoda atap ótkendeı, VAZ-2110 avtokóligi aıyp turaǵyna qamaldy.
Qazirgi ýaqytta, tekserý jumystary júrgizilip, saraptama taǵaıyndaldy.
