Azııa-afrıkalyq agrarlyq bıznes-forým

Taıaýda Úndistannyń astanasy Nıý-Delı qalasynda 1-shi Azııa-afrıkalyq bıznes-forýmy bolyp ótti. Ony Úndistannyń Saýda-ónerkásip palatasynyń federasııasy osy eldiń Aýyl sharýashylyǵy jáne Tamaq ónerkásibi mınıstrlikteriniń qoldaýymen uıymdastyrdy. Bıznes-forým jumysyna Azııa men Afrıka óńirleriniń salalyq mınıstrlikteriniń, agro­ónerkásip kompanııalary men ınstıtýttarynyń bas­shy­lyǵy qatysty. Sharanyń sal­tanatty ashylý rásiminde Ún­dis­tannyń prezıdenti Pranab Kýmar Mýkerdjı quttyqtaý sóz sóıledi. Qazaqstannyń Úndistandaǵy elshiligi óńirdiń eldik stendteri arasyna Qazaqstannyń agrarlyq salasyna qatysty materıaldardy usyndy. Forýmǵa qatysýshylar Qazaqstan Respýblıkasyndaǵy ósimdik sharýashylyǵyn, mal sha­rýashylyǵyn jáne aýyl sha­­rýa­­­shylyǵy ónimderin óń­deý­di damytýdyń negizgi ba­sym­­­dyq­tarymen, Qazaqstannyń Úki­­meti qabyldaǵan jańa «Ag­ro­bız­­nes-2020» salalyq baǵdar­la­ma­symen, Qazaqstannyń aýyl sharýa­shylyǵy sektory qyz­metinde ınvestısııalar úshin oń­taı­ly jaǵdaılar bar ekeni tý­raly materıaldarmen tanystyryldy. Qazaqstan Respýblıkasynyń Prezıdenti Nursultan Nazar­baev­tyń el halqyna arnaǵan Jol­­daýynda jarııalanǵan agro­­ónerkásip keshenin damy­týdyń negizgi baǵyttary qaty­sý­shylar tarapynan úlken qyzyǵýshylyq týǵyzdy. Sarap­shylar Qazaq­stan­nyń aýyl sharýa­shy­lyǵy salasyna úlken nazar aýdaryp otyrǵanyn atap kórsetti. О́ıt­keni, bul sala eldegi dástúrli sala­­lardyń biri bolyp tabylady. Osy oraıda, tıimdi jer ryno­gyn qu­rýǵa utymdy umtylys tany­tylyp otyr. Sonymen qatar, Qa­zaqstannyń agrarlyq sek­tor­dyń shaǵyn jáne orta bıznes pishininde jańa óńdeýshi kásip­oryndar jelisin qurýǵa umty­lysy ońynan atalyp ótti. «Egemen-aqparat».