65 JYLDYQQA – 65 ÚZDIK ShYǴARMA

Uly Otan soǵysy ardagerleriniń erlik dástúrin ulyqtaý búgingi urpaqtyń asyl paryzy dep bilemiz. Búgingi tańda elimizdiń túkpir-túkpirinde Uly Jeńistiń 65 jyldyǵyna arnalǵan ıgi sharalar ótip jatyr. Osyndaı shyraıly sharanyń biri elordalyq “Astana aqshamy” gazetiniń uıymdastyrýymen ótken “MENIŃ ATAM – MAIDANGER” atty mek­tep oqýshylary arasyndaǵy shyǵarmashy­lyq baıqaý boldy. Jaqynda osy baıqaýdyń qorytyn­dysy jarııalandy. Astana qalasy ákimdiginiń qoldaýymen ótken atalmysh baıqaý­ǵa elordalyq oqýshylarmen qatar, elimizdiń basqa aımaqtaryn­daǵy mektep oqýshylarynan 100-ge jýyq shyǵar­ma­lar kelip túsken. Qazylar alqasynyń talqysy­nan ótken 65 shyǵarma gazet betinde jaryq kórdi. Olardyń ishinen 10 shyǵarma úzdik dep tanyldy. Birinshi oryndy Astanadaǵy akademık Á.Marǵulan atyndaǵy №40 mekteptiń 11 synyp oqýshysy Nurbek Bórinemeresi jeńip aldy. Ekinshi orynǵa elordalyq oqýshylar Ánel Ah­matýllına men Qazbek Muharbek ıe boldy. Úshin­shi oryndy úsh oqýshy ıelendi. Baıqaý jeńim­pazdaryn Stalıngrad shaıqasynyń qaharmany Kóshkentaı Raqyshev pen Ýkraına maıdanynyń jaýyngeri Seıilbek Ýsın, Astana qalasy bilim basqarmasynyń bastyǵy Ásıma Bımendına, “Jaýynger-ınternasıonalıst Q.Abdrahmanov atyndaǵy sporttyq-patrıottyq qordyń” atqarýshy dırektory Sansyzbaı Jumanbaev saltanatty jaǵdaıda dıplomdar men baǵaly syılyqtar tapsyrdy. “Meniń atam – maıdanger” baıqaýyna kelip túsken úzdik shyǵarmalar jeke kitap bolyp shyqty. Qatysýshylardyń bárine kádesyı retinde tartý etilgen bul kitapty Astanadaǵy “Zerde” tilderdi damytý jónindegi ınnovasııalyq ortalyq basyp shyǵardy. – “Meniń atam ­– maıdanger” baıqaýy sekildi sharalar jas urpaqty otandyq pat­rıotızmge tárbıeleıtin ıgilikti sharanyń biri dep oılaı­myz. Osyndaı baıqaýdy uıym­das­tyrǵan asta­na­lyq gazetke alǵys aıta­myz. Soǵys­taǵy kór­gen beınetimiz ben erligimizdi nemerelerimiz ben shóberelerimizdiń bilgeni biz úshin shyny­men de júrek tolqytatyn jaǵdaı. Rahmet, bar­shańyzǵa, – dedi baıqaý júldeger­lerin quttyq­taǵan qart maıdanger Kóshkentaı Raqyshev. “Meniń atam – maıdanger” baıqaýynyń qorytyndysyna arnalǵan saltanatqa jınalǵan ardagerler men oqýshylar osy sharadan keıin Keńes Odaǵynyń Batyry Aqan Qurmanov atyndaǵy №17 mektep-gımnazııanyń “Dańq” mýzeıin tamashalap, el men jerdiń qasıeti, erliktiń ónegesi týraly pikir alysty. Álııa QASENOVA, №22 mektep-gımnazııanyń 11 synyp oqýshysy. ASTANA.