Qazaqstan Respýblıkasy tabıǵı monopolııalardy retteý agenttiginiń buıryǵy №239-NQ

2013 jylǵy 31 shilde,  Astana qalasy Áýejaılar salasynda qyzmetter kórsetetin tabıǵı monopolııa sýbektileriniń kiristerdiń, shyǵyndar men qoldanysqa engizilgen aktıvterdiń bólek esebin júrgizý qaǵıdalaryn bekitý týraly   «Tabıǵı monopolııalar jáne retteletin naryqtarda týraly» 1998 jylǵy 9 shildedegi Qazaqstan Respýblıkasynyń Zańynyń 12-1-babynyń 2) tarmaqshasyna jáne 14-baby 1-tarmaǵynyń 15) tarmaq­shasyna, «Memlekettik statıstıka týraly» 2010 jylǵy 19 naýryzdaǵy Qazaqstan Respýblıkasy Zańynyń 16-babynyń 3-tarmaǵynyń 2) tarmaqshasyna sáıkes buıyramyn: 1. Qosa berilip otyrǵan Áýejaılar salasynda qyzmetter kórsetetin tabıǵı monopolııa sýbektileriniń kiristerdiń, shyǵyndar men qoldanysqa engizilgen aktıvterdiń bólek esebin júrgizý qaǵıdalary bekitilsin. 2. Osy buıryqqa qosymshaǵa sáıkes Qazaqstan Respýblıkasy Tabıǵı monopolııalardy retteý agenttiginiń keıbir normatıvtik quqyqtyq aktileriniń kúshi joıyldy dep tanylsyn. 3. Qazaqstan Respýblıkasy Tabıǵı monopolııalardy retteý agenttiginiń Temirjol kóligi, azamattyq avıasııa jáne porttar salasyndaǵy retteý departamenti (G.Q. Ybyraeva): 1) zańnamada belgilengen tártippen osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryqty buqaralyq aqparat quraldarynda resmı jarııalanǵannan keıin Qazaqstan Respýblıkasy Tabıǵı monopolııalardy retteý agenttiginiń ınternet-resýrsynda jarııalaýdy qamtamasyz etsin. 4. Qazaqstan Respýblıkasy Tabıǵı monopolııalardy retteý agenttiginiń Ákimshilik jumysy departamenti (S.P.Bazarbaev) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin: 1) ony buqaralyq aqparat quraldarynda zańnamada belgilengen tártippen resmı jarııalaýdy qamtamasyz etsin, keıin jarııalanǵany týraly málimetterdi Qazaqstan Respýblıkasy Tabıǵı monopolııalardy retteý agenttiginiń Zań departamentine (S.S. Metenova) usynsyn; 2) ony Qazaqstan Respýblıkasy Tabıǵı monopolııalardy retteý agenttiginiń qurylymdyq bólimsheleri men aýmaqtyq organdarynyń, Qazaqstan Respýblıkasy Kólik jáne kommýnıkasııa mınıstrliginiń, «Astana halyqaralyq áýejaıy» aksıonerlik qoǵamnyń jáne «Almaty halyqaralyq áýejaıy» aksıonerlik qoǵamnyń nazaryna jetkizsin. 5. Osy buıryqtyń oryndalýyn baqylaý ózime qaldyramyn. 6. Osy buıryq alǵash resmı jarııalanǵanynan keıin kúntizbelik on kún ótken soń qoldanysqa engiziledi. Tóraǵanyń mindetin atqarýshy A.DÚISEBAEV. «KELISILGEN»: Qazaqstan Respýblıkasynyń Kólik jáne kommýnıkasııa mınıstriniń mindetin atqarýshy _______________S. Sarsenov 2013 jylǵy 2 tamyz «KELISILGEN»: Qazaqstan Respýblıkasynyń Statıstıka agenttiginiń tóraǵasy _______________ A. Smaıylov 2013 jylǵy 20 tamyz «KELISILGEN»: Qazaqstan Respýblıkasynyń Ekonomıka jáne bıýdjettik josparlaý mınıstriniń mindetin atqarýshy _______________M. Qusaıynov 2013 jylǵy 9 tamyz Qazaqstan Respýblıkasy Tabıǵı monopolııalardy retteý agenttigi tóraǵasynyń mindetin atqarýshynyń 2013 jylǵy 31 shildedegi №239-NQ buıryǵyna qosymsha Qazaqstan Respýblıkasy Tabıǵı monopolııalardy retteý agenttiginiń keıbir normatıvtik quqyqtyq aktilerdiń kúshi joıylǵan tizimi 1. «Áýejaılar qyzmetterin kórsetetin tabıǵı monopolııa sýbektileriniń tabystardy, shyǵyndar men qoldanysqa engizilgen aktıvterdi bólek esepke alýdy júrgizý erejesin bekitý týraly» Qazaqstan Respýblıkasy Tabıǵı monopolııalardy retteý agenttigi tóraǵasynyń 2004 jylǵy 24 qarashadaǵy № 459-NQ buıryǵynyń (Normatıvtik quqyqtyq aktilerdi memlekettik tirkeý tiziliminde № 3302 nómirmen tirkelgen); 2. «Qazaqstan Respýblıkasy Tabıǵı monopolııalardy retteý agenttigi tóraǵasynyń keıbir buıryqtaryna ózgerister men tolyqtyrýlar engizý týraly» Qazaqstan Respýblıkasynyń Tabıǵı monopolııalar retteý agenttigi tóraǵasynyń 2009 jylǵy 13 aqpandaǵy № 42-NQ buıryǵymen bekitilgen (Normatıvtik quqyqtyq aktilerdi memlekettik tirkeý tiziliminde № 5595 nómirmen tirkelgen, «Zań gazetinde» 2009 jylǵy 10 aqpanda № 56 (1560) nómirinde jarııalanǵan) Tabıǵı monopolııalar salalaryndaǵy jáne retteletin naryqtardaǵy basshylyqty júzege asyratyn ýákiletti organnyń keıbir buıryqtaryna engiziletin ózgerister men tolyqtyrýlardyń tizbesiniń 3-tarmaǵynyń; 3. «Qazaqstan Respýblıkasy Tabıǵı monopolııalardy retteý agenttigi tóraǵasynyń keıbir buıryqtaryna ózgerister men tolyqtyrýlar engizý týraly» Qazaqstan Respýblıkasynyń Tabıǵı monopolııalar retteý agenttigi tóraǵasynyń 2010 jylǵy 24 qyrkúıektegi № 279-NQ buıryǵymen bekitilgen (Normatıvtik quqyqtyq aktilerdi memlekettik tirkeý tiziliminde № 6567 nómirmen tirkelgen, «Kazahstanskaıa pravda» 2010 jylǵy 30 qazanda № 288-289 (26349-26350) nómirinde jarııalanǵan) Qazaqstan Respýblıkasy Tabıǵı monopolııalardy retteý agenttigi tóraǵasynyń keıbir buıryqtaryna engiziletin ózgerister men tolyqtyrýlardyń tizbesiniń 2-tarmaǵynyń kúshi joıylsyn. Qazaqstan Respýblıkasy Tabıǵı monopolııalardy retteý agenttigi tóraǵasynyń mindetin atqarýshynyń 2013 jylǵy 31 shildedegi № 239-NQ buıryǵymen bekitilgen Áýejaılar salasynda qyzmetter kórsetetin tabıǵı monopolııa sýbektileriniń kiristerdiń, shyǵyndar men qoldanysqa engizilgen aktıvterdiń bólek esebin júrgizý qaǵıdalary 1. Jalpy erejeler 1. Áýejaılar salasynda qyzmetter kórsetetin tabıǵı monopolııalar sýbektileriniń kiristerdiń, shyǵyndar men qoldanysqa engizilgen aktıvterdiń bólek esebin júrgizý qaǵıdalary (budan ári - Qaǵıdalar) «Tabıǵı monopolııalar jáne retteletin naryqtar týraly» 1998 jylǵy 9 shildedegi Qazaqstan Respýblıkasynyń zańnamasyna sáıkes ázirlendi. 2. Qaǵıdalardyń negizgi maqsaty ýákiletti organ bekitetin ekonomıkalyq negizdelgen tarıfterdi belgileý úshin áýejaılar salasynda rettelip kórsetiletin qyzmetterdiń túrleri boıynsha jáne tutastaı ózge qyzmet boıynsha sýbektilerdiń kiristerdiń, shyǵyndar men qoldanysqa engizilgen aktıvterdiń bólek esebin júrgizý tártibin jáne qaǵıdattaryn anyqtaý bolyp tabylady. 3. Áýejaılar rettelip kórsetiletin qyzmetterdiń árbir túri boıynsha jáne negizgi qyzmetpen tehnologııalyq baılanysty, júzege asyrylýy ýákiletti organmen kelisilgen tutastaı ózge qyzmet (budan ári - ózge qyzmet) boıynsha kiristerdiń, shyǵyndar men qoldanysqa engizilgen aktıvterdiń bólek esebin júzege asyrady. 4. Bólek eseptiń qaǵıdattary: 1) kiristerdi, shyǵyndar men qoldanysqa engizilgen aktıvterdi bastapqy qujattar derekteriniń negizinde qyzmettiń tıisti baǵytyna jáne rettelip kórsetiletin qyzmetterdiń túrlerine tikeleı jatqyzý basymdyǵy; 2) kiristerdiń, shyǵyndardyń jáne qoldanysqa engizilgen aktıvterdiń ózderi baılanysqan rettelip kórsetiletin qyzmetterdiń sol bir túrlerimen sebep-saldarlyq baılanysy; 3) kiristerdi, shyǵyndar men qoldanysqa engizilgen aktıvterdi rettelip kórsetiletin qyzmetterdiń tıisti túrlerine jatqyzý kezindegi ashyqtyq. 5. Bólek esep Qaǵıdalarǵa sáıkes kiristerdi, shyǵyndar men qoldanysqa engizilgen aktıvterdi rettelip kórsetiletin qyzmetterdiń túrleri boıynsha jáne tutastaı ózge qyzmet boıynsha bólý úshin naqtylaýdyń qajetti deńgeıin qajetti deńgeıin qamtamasyz etetin býhgalterlik jáne basqarýshylyq esep júrgizý úshin paıdalanylatyn bastapqy qujattarǵa negizdeledi. 6. Bólek esepti júrgizý maqsatynda Qaǵıdalarda qoldanylatyn negizgi uǵymdar: 1) avıakásiporyn - jolaýshylardy, bagajdy, aýyr júkter men pochtalardy tasymaldaý, avıakólik quraldaryna tehnıkalyq qyzmet kórsetý jáne olardy jóndeý jónindegi sharýashylyq-kommersııalyq qyzmetpen aınalysatyn Qazaqstan Respýblıkasynyń zańnamasyna sáıkes áreket etetin zańdy tulǵa; 2) aeronavıgasııalyq aqparat - áýeaılaqtardyń naqty jaı-kúıiniń sıpatyn, áýeaılaq, áýe trassalary aýdanynda manevr jasaý tártibin jáne olardyń radıoelektr tehnıkasy quraldarymen jabdyqtalýyn qamtıtyn málimetter; 3) avıasııalyq tehnıka - azamattyq áýe kemeleri, olardyń jabdyqtary, jıyntyqtaýshy buıym­dar, qozǵaltqyshtar, trenajerler jáne azamattyq áýe kemelerine jerde qyzmet kórsetetin quraldar; 4) basqarýshylyq prosester - nátıjesi qyzmetter kórsetýdiń barlyq qalǵan prosesteriniń nátıjeliligi men tıimdiligin arttyrý bolyp tabylatyn óndiristik basqarý prosesi; 5) birlesken aktıvter – birneshe qyzmetterdi (qyzmetter tobyn) usyný úshin paıdalanylatyn, biraq osy qyzmettermen qandaı da bir belgili sebep-saldarlyq baılanysy joq, alaıda olardyń qyzmetter usynýdaǵy qoldanysqa engizilý dárejesi shyǵyn faktorlarynyń negizinde aıqyndalady; 6) birlesken shyǵyndar - birneshe qyzmetter (qyzmetter tobyn) usyný úshin paıdalanylatyn shyǵyndar, biraq osy qyzmettermen qandaı da bir belgilengen sebep-saldarlyq baılanysy joq, sondyqtan shyǵyn faktorlarynyń negizinde bólinedi; 7) jalpy aktıvter - qyzmetterdiń barlyq túrlerin usynýǵa baılanysty, biraq osy qyzmettermen qandaı da bir belgili sebep-saldarlyq baılanysy joq aktıvter, sondyqtan olardyń qyzmetter usynýda qoldanysqa engizilý dárejesi shyǵyn faktorlarynyń negizinde anyqtalady; 8) jalpy shyǵyndar - qyzmetterdiń barlyq túrlerin usynýǵa baılanysty, biraq osy qyzmettermen qandaı da bir belgilengen sebep-saldarlyq baılanysy joq shyǵyndar, sondyqtan shyǵyn faktorlarynyń negizinde bólinedi; 9) kómekshi prosester - nátıjesi óndiristik jáne basqarýshylyq prosesterdi júzege asyrýǵa qajetti jaǵdaılar jasaý bolyp tabylatyn prosester; 10) qyzmetter - áýejaılar júzege asyratyn qyzmetterdiń rettelip kórsetiletin túrleri jáne ózge qyzmet; 11) qyzmet baǵyttary - derbes te jáne bir-birimen ózara is-qımylj jasap ta qyzmetter kórsetýge qatysatyn qyzmetter kórsetýdiń belgili bir prosesteriniń jıyntyǵy; 12) qyzmet baǵyttarynyń elementterine janama qoldanysqa engizilgen aktıvter - birneshe qyzmet baǵyttarynyń elementterimen bir mezgilde sebep-saldarlyq baılanysy bar qoldanysqa engizilgen aktıvter, sondyqtan olar qyzmet baǵyttarynyń belgili bir elementine tikeleı jáne birmándi jatpaıdy, biraq olardyń qoldanysqa engizilý dárejesi osy sebep-saldarlyq baılanysty kórsetetin shyǵyn faktorlarynyń negizinde aıqyndalady; 13) qyzmet baǵyttarynyń elementterine janama shyǵyndar - birneshe qyzmet baǵyttarynyń element­terimen bir mezgilde sebep-saldarlyq baılanysy bar shyǵyndar, sondyqtan olar qyzmet baǵyt­ta­rynyń belgili bir elementine tikeleı jáne birmándi jatpaıdy, biraq shyǵyndardyń paıda bolý sebep­terin kórsetetin shyǵyn faktorlarynyń negizinde qyzmet baǵyttarynyń elementteri boıynsha bólinedi; 14) qyzmet baǵyttary boıynsha tikeleı qoldanysqa engizilgen aktıvter - qyzmet baǵytynyń belgili bir elementimen tikeleı sebep-saldarlyq baılanysy bar qoldanysqa engizilgen aktıvter, sondyqtan qyzmet baǵytynyń belgili bir elementine tikeleı jáne birmándi jatady; 15) qyzmet baǵyttarynyń elementterine tikeleı shyǵyndar - qyzmet baǵytynyń belgili bir elementimen tikeleı sebep-saldarlyq baılanysy bar shyǵyndar, sondyqtan qyzmet baǵytynyń belgili bir elementine tikeleı jáne birmándi jatady; 16) qyzmet baǵyttarynyń elementteri - áýejaılardyń qyzmetterin kórsetý kezinde paıdalanylatyn negizgi quraldar men materıaldyq emes aktıvterdiń toptary, olardyń qunyn jáne olarmen baılanysty shyǵyndardy áýejaı qyzmetteriniń túrlerine bólý úshin biriktiriledi. 17) qyzmetterge janama qoldanysqa engizilgen aktıvter - birneshe qyzmettermen (qyzmetter tobymen) bir mezgilde sebep-saldarlyq baılanysy bar qoldanysqa engizilgen aktıvter, sondyqtan da olar belgili bir qyzmetke tikeleı jáne birmándi jatpıdy, biraq belgili bir qyzmetter kórsetýde olardyń qoldanysqa engizilý dárejesi osy sebep-saldarlyq baılanystardy kórsetetin shyǵyn faktorlarynyń negizinde aıqyndalady; 18) qyzmetterge janama shyǵyndar - birneshe qyzmettermen (qyzmetter tobymen) bir mezgilde sebep-saldarlyq baılanysy bar shyǵyndar, sondyqtan olar belgili bir qyzmetke tikeleı jáne birmándi jatpaıdy, biraq qyzmetterge shyǵyndardyń paıda bolý sebepterin kórsetetin shyǵyn faktorlarynyń negizinde bólinedi; 19) qyzmetter kórsetý prosesteri - túpkilikti maqsaty qyzmetter kórsetý bolatyn ekonomıkalyq resýrstaryn paıdalanyp áýejaı qyzmetindegi belgili bir is-áreketterdiń birizdiligi. Ol óndiristik, kómekshi jáne basqarýshylyq prosesterdi qamtıdy; 20) qyzmetterge tikeleı qoldanysqa engizilgen aktıvter - belgili bir qyzmet usynýǵa tikeleı sebep-saldarlyq baılanysy bar, sondyqtan da belgili bir qyzmetke tikeleı jáne birmándi jatatyn qoldanysqa engizilgen aktıvter; 21) qyzmetterge tikeleı shyǵyndar - belgili bir qyzmetpen tikeleı sebep-saldarlyq baılanysy bar, sondyqtan da belgili bir qyzmetke tikeleı jáne birmándi jatatyn shyǵyndar; 22) óndiristik prosester - nátıjesi qyzmetter kórsetý bolyp tabylatyn prosester; 23) sebep-saldarlyq baılanys - bul shyǵyndardyń, kirister men qoldanysqa engizilgen aktıvterdiń sebepterin, sondaı-aq olardyń belgili bir qyzmet túrlerine áseriniń dárejesin aldyn ala zertteý negizinde belgilengen baılanys. Sebep-saldarlyq baılanys qyzmetterdiń túrleri boıynsha kiristerdi, shyǵyndar men qoldanysqa engizilgen aktıvterdi bólý úshin paıdalanylady; 24) syrtqy qyzmetter - áýejaı syrtqy paıdalanýshylarǵa usynatyn qyzmetter; 25) syrtqy paıdalanýshylar - áýejaı qyzmetin tutynýshylar bolyp tabylatyn zańdy jáne jeke tulǵalar; 26) kiristerdiń, shyǵyndar men qoldanysqa engizilgen aktıvterdiń bólek esebi – rettelip kórsetiletin qyzmetterdiń árbir túri boıynsha jáne tutastaı ózge qyzmet boıynsha jeke kirister, shyǵyndar men qoldanysqa engizilgen aktıvter týraly aqparatty jınaý jáne qorytý júıesi; 27) transferttik taksalar - kórsetilgen ishki qyzmetterdiń birligine arnalǵan shyǵynnyń qundyq kórinisi; 28) transferttik tólemder - kórsetilgen ishki qyzmetter kóleminiń qundyq kórinisi; 29) ýákiletti organ - tabıǵı monopolııalar salalaryndaǵy jáne retteletin naryqtardaǵy basshylyqty júzege asyratyn memlekettik organ; 30) shyǵyn faktory - shyǵyndardy bólý úshin paıdalanylatyn jáne qyzmetter túrlerine qoldanysqa engizilgen aktıvter dárejesiniń sandyq kórsetkishi (kórsetkishteri); 31) qoldanysqa engizilgen aktıvter - áýejaılar salasynda qyzmetter kórsetý úshin paıdalanylatyn áýejaıdyń negizgi quraldary men materıaldyq emes aktıvteri; 32) ishki (transferttik) qyzmetter - áýejaı qyzmetiniń bir baǵyty qyzmettiń ekinshi baǵytyna usynatyn syrtqy qyzmetter usynýdyń quramdas bóligi bolyp tabylatyn qyzmetter; 33) ekonomıkalyq resýrstar - óndiristik-sharýashylyq qyzmetinde paıdalanylatyn, tabıǵı (shıkizat geofızıkalyq), eńbek (adam kapıtaly), kapıtaldyq (jeke kapıtal - negizgi qarajattar), aınalym qarajattary (materıaldar), aqparattyq resýrstar, qarjylyq (aqsha kapıtaly), resýrstar bolyp bólinetin kózderdiń, qarajattardyń jıyntyǵy. Qaǵıdalarda paıdalanylatyn ózge de uǵymdar men termınder Qazaqstan Respýblıkasynyń tabıǵı monopolııalar jáne retteletin naryqtar týraly qoldanystaǵy zańnamasyna sáıkes qolda­nylady. 7. Kiristerdi, shyǵyndardy bólý jáne qoldanysqa engizilgen aktıvterdi rettelip kórsetiletin qyzmetterdiń túrleri boıynsha aıqyndaý úshin áýejaılardyń kiristeri, shyǵyndary men qoldanysqa engizilgen aktıvteri qyzmet baǵyttary boıynsha toptastyrylady. Kiristerdi, shyǵyndardy bólý jáne aktıvterdiń qoldanysqa engizilýin aıqyndaý áýejaılar usynatyn qyzmetterdi usynýynyń barlyq kezeńderin birizdilikti bólý negizinde júrgiziledi. 8. Áýejaılardyń bólek esepti júrgizý maqsattary úshin mynadaı qyzmet baǵyttary bólinedi: 1) avıasııalyq qyzmet; 2) áýejaılyq qyzmet; 3) aeronavıgasııalyq qyzmet kórsetý; 4) agenttik qyzmet kórsetý; 5) ózge qyzmet. 9. «Avıasııalyq qyzmet» qyzmet baǵyty, eger áýejaı ózine áýejaıdyń jáne áýe tasymaldaýshy fýnksııasyn qosa atqaratyn avıa kásiporyndardyń quramyna kirgen jaǵdaıda, qyzmettiń jeke baǵytyna bólinedi. 10. Qyzmettiń baǵyttary boıynsha toptastyrylǵan kirister, shyǵyndar men qoldanysqa engizilgen aktıvter bólek eseptiń maqsaty úshin usynylatyn qyzmetterdiń túrleri boıynsha bólinedi. 2. Kiristerdiń, shyǵyndar men qoldanysqa engizilgen aktıvterdiń bólek esebin júrgizý tártibi 11. Sýbektilerdiń bólek esepti júrgizýi Qarjylyq Eseptiliktiń Halyqaralyq Standarttaryna (QEHS) sáıkes qabyldanǵan býhgalterlik esepti júrgizý qaǵıdattaryna negizdeledi. Bólek eseptiń maqsattary úshin QEHS túsindirý kezinde aqparattyń bastapqy jáne neǵurlym shynaıy kózi Qarjylyq eseptilikti paıymdaý jónindegi halyqaralyq komıtettiń túsindirýi (IFRIC), býhgalterlik esep jáne aýdıt máseleleri jónindegi Qazaqstan Respýblıkasy Qarjy mınıstrliginiń Saraptama Keńesiniń usynymdary bolyp tabylady. 12. Bólek esepti júrgizý kezinde sýbektiler mynadaı talaptardy oryndaýǵa tıis: 1) áýejaılar salasynda rettelip kórsetiletin qyzmetterge jatqyzylǵan barlyq óndiristik kórsetkishter, kirister men shyǵystar tıisti eseptik qujattarmen rastalýǵa tıis; 2) jazbalar olardyń sholýyn, aýdıtin jáne ózara baqylaıtyn qujattar derekteriniń salystyrýyn jeńildetetin nysanda uıymdastyrylýǵa tıis; 3) eger býhgalterlik jáne statıstıkalyq eseptik qujattarda aqparat tolyq mólsherde usynyl­maǵan bolsa, onda ol aqparatty tolyqtyratyn qujattarǵa toǵyspaly siltemelermen bekitilýge tıis. 13. Bólek esepti jáne qyzmetterdiń zattaı óndiristik kórsetkishterin, kólemdik zattaı kórsetkishterin jáne zattaı kórsetkishterdiń birlikterine úlestik shyǵystar men kiristerdiń kalkýlıasııasyn júrgizý jáne zańnamada kózdelgen ózge maqsattar úshin osy Qaǵıdalarǵa sáıkes paıdalanylatyn býhgalterlik, statıstıkalyq (óndiristik) jáne ózge de eseptilik qujattary, statıstıkalyq derekter, jumys qujattary men esepter bes jyl boıy saqtalýǵa tıis. 14. Osy Qaǵıdalarda belgilengen kirme joldarynyń rettelip kórsetiletin qyzmetteriniń túrleri boıynsha kirister, shyǵystar men qoldanysqa engizilgen aktıvter boıynsha bólek esebin júrgizý týraly málimetter (budan ári – Málimetter) 1 qańtardan bastap 31 jeltoqsandy qosa alǵanda kúntizbelik bir jylǵa teń kezeńge jasalady. 15. Sýbektiler ýákiletti organǵa esepti jyldan keıingi jyldyń 1 mamyrynan keshiktirmeı: - osy Qaǵıdalarǵa 2-qosymshaǵa sáıkes nysany boıynsha ekonomıkalyq resýrstarǵa shyǵyndar men qoldanysqa engizilgen aktıvterdi bólgen kezde paıdalanylatyn shyǵyn faktorlarynyń negizgi tizbesin; - osy Qaǵıdalarǵa 3-qosymshaǵa sáıkes nysany boıynsha qyzmetter kórsetý prosesteriniń jáne paıdalanylatyn shyǵyndar men qunnyń shyǵyn faktorlarynyń (janama bólý úshin) úlgi tizbesin; - osy Qaǵıdalarǵa 4-qosymshaǵa sáıkes nysany boıynsha qyzmetter kórsetýdiń óndiristik jáne basqarýshylyq prosesterine qyzmetter kórsetýdiń kómekshi prosesterin bólgen kezde paıdalanylatyn shyǵyn faktorlarynyń eń az tizbesin; - osy Qaǵıdalarǵa 5-qosymshaǵa sáıkes nysany boıynsha syrtqy qyzmetterge jáne qyzmet baǵyttarynyń elementterine qyzmetter kórsetýdiń óndiristik prosesterin bólgen kezde paıdalanylatyn shyǵyn faktorlarynyń eń az tizbesin; - osy Qaǵıdalarǵa 6-qosymshaǵa sáıkes nysany boıynsha qyzmet baǵyttarynyń elementterine, syrtqy jáne ishki qyzmetterge toptastyrylǵan shyǵyndar men qoldanysqa engizilgen aktıvterdi janama bólgen kezde paıdalanylatyn shyǵyn faktorlarynyń eń az tizbesin; - osy Qaǵıdalarǵa 7-qosymshaǵa sáıkes nysany boıynsha ishki qyzmetterdi kórsetýge baılanys­ty shyǵyndar men qoldanysqa engizilgen aktıvterdi syrtqy qyzmetterge tikeleı jatqyzý jáne janama bólýdi; - osy Qaǵıdalarǵa 8-qosymshaǵa sáıkes nysany boıynsha syrtqy qyzmetter kórsetý kezeńderi boıynsha shyǵyndar men qoldanysqa engizilgen aktıvterdiń jıyntyqtamasyn; - osy Qaǵıdalarǵa 9-qosymshaǵa sáıkes nysany boıynsha áýejaılar salasynda qyzmetter kórsetetin tabıǵı monopolııa sýbektileriniń ekonomıkalyq resýrstardyń túrleri boıynsha shyǵyn­dar men qoldanysqa engizilgen aktıvterdi tikeleı jatqyzý men janama bólý týraly málimetter; - osy Qaǵıdalarǵa 10-qosymshaǵa sáıkes nysany boıynsha áýejaılar salasynda qyzmetter kórsetetin tabıǵı monopolııa sýbektileriniń ekonomıkalyq resýrstarǵa qyzmetter kórsetýdiń tıisti prosesterine toptastyrylǵan shyǵyndar men qoldanysqa engizilgen aktıvterdi tikeleı jatqyzý jáne janama bólý týraly málimetter; - osy Qaǵıdalarǵa 11-qosymshaǵa sáıkes nysany boıynsha áýejaılar salasynda qyzmetter kórsetetin tabıǵı monopolııa sýbektileriniń qyzmetter kórsetýdiń óndiristik jáne basqarýshylyq prosesterine qyzmetterdi kórsetýdiń kómekshi prosesterine qatysty shyǵyndar men qoldanysqa engizilgen aktıvterin tikeleı jatqyzý jáne janama bólý týraly málimetter; - osy Qaǵıdalarǵa 12-qosymshaǵa sáıkes nysany boıynsha áýejaılar salasynda qyzmetter kórsetetin tabıǵı monopolııa sýbektileriniń syrtqy qyzmetteriniń jáne qyzmet baǵyttarynyń elementterine qyzmetter kórsetýdiń óndiristik prosesterine baılanysty shyǵyndar men qoldanysqa engizilgen aktıvterdi tikeleı jatqyzý men janama bólý týraly málimetter; - osy Qaǵıdalarǵa 13-qosymshaǵa sáıkes nysany boıynsha áýejaılar salasynda qyzmetter kórsetetin tabıǵı monopolııa sýbektileriniń qyzmet baǵyttarynyń elementterine qyzmetter kórsetýdiń basqarýshylyq prosesterine baılanysty shyǵyndar men qoldanysqa engizilgen aktıvterdi tikeleı jatqyzý men janama bólý týraly málimetter; - osy Qaǵıdalarǵa 14-qosymshaǵa sáıkes nysany boıynsha áýejaılar salasynda qyzmetter kórsetetin tabıǵı monopolııa sýbektileriniń syrtqy jáne ishki qyzmetterge qyzmet baǵyttary elementteriniń shyǵyndary men qoldanysqa engizilgen aktıvterin tikeleı jatqyzý men janama bólý týraly málimetter; - osy Qaǵıdalarǵa 15-qosymshaǵa sáıkes nysany boıynsha áýejaılar salasynda qyzmetter kórsetetin tabıǵı monopolııa sýbektileriniń syrtqy qyzmetterge qyzmetter kórsetýdiń ózge basqarýshylyq prosesterine baılanysty birlesken jáne jalpy shyǵyndaryn tikeleı jatqyzý jáne janama bólý týraly málimetter; - osy Qaǵıdalarǵa 16-qosymshaǵa sáıkes nysany boıynsha áýejaılar salasynda qyzmetter kórsetetin tabıǵı monopolııa sýbektileriniń syrtqy qyzmetterge ishki qyzmetter kórsetýge baılanysty shyǵyndar men qoldanysqa engizilgen aktıvterdi bólý týraly málimetter; - osy Qaǵıdalarǵa 17-qosymshaǵa sáıkes nysany boıynsha áýejaılar salasynda qyzmetter kórsetetin tabıǵı monopolııa sýbektileriniń syrtqy qyzmetterge kiristerdi, shyǵyndar men qoldanysqa engizilgen aktıvterdi qorytyndy bólý týraly málimetter; - osy Qaǵıdalarǵa 18-qosymshaǵa sáıkes nysany boıynsha áýejaılar salasynda qyzmetter kórsetetin tabıǵı monopolııa sýbektileriniń qyzmet baǵyttary boıynsha tabystardy, shyǵyndar men qoldanysqa engizilgen aktıvterdi jıyntyqty bólý týraly málimetterdi jáne QEHS-qa sáıkes jasalǵan aýdıttelgen qarjylyq eseptilikti usynady. 16. Bólek esepti júrgizýdiń negizgi qaǵıdattary: 1) usynylǵan aqparattan túsken paıdanyń jáne ony alýǵa arnalǵan shyǵyndardyń arasyndaǵy teńgerim; 2) eseptiliktiń negizgi maqsatyn oryndaý úshin sapaly sıpattamalar arasyndaǵy teńgerim. 17. Bólek esep kezinde shyǵyndardy bólý ólshemderi: 1) sebep-saldar baılanysy; 2) ádilettilik bolyp tabylady. 18. Rettelip kórsetiletin qyzmetterdiń túrleri boıynsha kiristerdi bólý Qaǵıdalardyń 5-tarmaǵynda belgilengen bólek eseptiń negizgi qaǵıdattary eskerile otyryp júrgiziledi. Rettelip kórsetiletin qyzmetterdiń árbir túrin usynýdan túsken kirister syrtqy paıdalanýshylarǵa qyzmetterdiń atalǵan túrleri kórsetilgen qyzmetter men tarıfterdiń tıisti túrleriniń kólemderine súıene otyryp aıqyndalady. 19. Qyzmetter kórsetýden túsken kirister bastapqy qujattardyń derekteri negizinde rettelip kórsetiletin qyzmetterdiń túrleri boıynsha jáne tutastaı ózge qyzmet boıynsha tikeleı jatady. 20. Syrtqy paıdalanýshylarǵa rettelip kórsetiletin qyzmetterdiń árbir túrin usyný jónindegi shyǵyndar «Aeronavıgasııalyq qyzmet kórsetý» qyzmeti baǵyty kórsetken ishki qyzmetter úshin transferttik tólemderdi qosa alǵanda, «Áýejaılyq qyzmet» qyzmeti baǵytynyń rettelip kórsetiletin qyzmetteriniń tıisti túrlerin kórsetýge jáne ótkizýge baılanysty shyǵyndardan jınaqtalady. Transferttik tólemder, eger rettelip kórsetiletin qyzmetti usyný kezinde ishki qyzmetter kórsetilgen jaǵdaıda eskeriledi. 21. О́zge qyzmet boıynsha qyzmetter usyný jónindegi shyǵyndar ishki qyzmetter úshin transferttik tólemderdi qosa alǵanda,tıisti qyzmet túrlerin kórsetýge jáne ótkizýge baılanysty shyǵyndardan jınaqtalady. Transferttik tólemder, eger rettelip kórsetiletin qyzmetti usyný kezinde ishki qyzmetter kórsetilgen jaǵdaıda eskeriledi. 22. «Áýejaılyq qyzmet» qyzmeti baǵyty kórsetetin rettelip kórsetiletin qyzmetterdiń árbir túri boıynsha qoldanysqa engizilgen aktıvterge rettelip kórsetiletin qyzmetterdiń tıisti túrlerin kórsetýge jáne ótkizýge baılanysty qoldanysqa engizilgen aktıvter, sondaı-aq qyzmetterdiń rettelip kórsetiletin túrlerin usynýǵa qajetti «Aeronavıgasııalyq qyzmet kórsetý» qyzmeti baǵyty kórsetetin ishki qyzmetter túrleri boıynsha qoldanysqa engizilgen aktıvter jatady. Ishki qyzmetterdiń túrleri boıynsha qoldanysqa engizilgen aktıvter, eger Rettelip kórsetiletin qyzmetti usyný kezinde ishki qyzmetter paıdalanylǵan jaǵdaıda eskeriledi. 23. Tutastaı ózge qyzmet boıynsha qoldanysqa engizilgen aktıvterge ózge qyzmettiń tıisti túrlerin kórsetýge jáne ótkizýge baılanysty qoldanysqa engizilgen aktıvter, sondaı-aq ózge qyzmet kórsetýge qajetti ishki qyzmetterdiń túrleri boıynsha qoldanysqa engizilgen aktıvter jatady. Ishki qyzmettiń túrleri boıynsha qoldanysqa engizilgen aktıvter, eger ózge qyzmet boıynsha qyzmetter usyný kezinde ishki qyzmetter paıdalanylǵan jaǵdaıda eskeriledi. 3. Kiristerdi, shyǵyndardyń jáne qoldanysqa engizilgen aktıvterdi qyzmet baǵyttarynyń elementteri boıynsha bólý 24. «Avıasııalyq qyzmet» qyzmeti baǵyty halyqaralyq, ishki avıa tasymaldardy júzege asyrýǵa baılanysty qyzmetter kórsetý, avıasııany ekonomıkada qoldaný prosesterin qamtıdy. «Avıasııalyq qyzmet» qyzmeti baǵyty ishki jáne syrtqy qyzmetter kórsetedi. Syrtqy qyzmetterge tapsyrys bkrýshilerdiń (aýyl sharýashylyǵynda, qurylysta, ekspedı­sııalarǵa qyzmet kórsetýde) tehnologııalyq jáne óndiristik prosesterin qamtamasyz etý maqsatynda, sondaı-aq eksperımenttik jáne ǵylymı-zertteý jumystaryn júrgizý úshin ekonomıkanyń jekelegen salalarynda avıasııa quraldarymen oryndalatyn mamandandyrylǵan operasııalardy oryndaýǵa baılanysty qyzmetter jatady. Ishki qyzmetter «Agenttik qyzmet kórsetý» qyzmetń baǵytyna kórsetiledi. Ishki qyzmetterge olardy odan ári syrtqy paıdalanýshylarǵa satý maqsatynda kórsetiletin qyzmetter: halyqaralyq avıa tasymaldardy júzege asyrýǵa baılanysty qyzmetter; ishki avıa tasymaldardy júzege asyrýǵa baılanysty qyzmetter jatady. «Avıasııalyq qyzmet» qyzmeti baǵytynyń kiristeri syrtqy qyzmetter kórsetýden jáne «Agenttik qyzmet kórsetý» qyzmeti baǵytyna kórsetilgen ishki qyzmetter úshin transferttik tólemderden túsken kiristerden jınaqtalady. Syrtqy qyzmetter kórsetkeni úshin kirister joǵaryda atalǵan qyzmetterdi kórsetý boıynsha tıisti qyzmetter men baǵalar kólemderine baılanysty aıqyndalady. Ishki qyzmetter úshin transferttik tólemder kórsetilgen qyzmetterdiń kólemine jáne osyndaı qyzmetter kórsetilgen transferttik taksalarǵa baılanysty aıqyndalady. «Avıasııalyq qyzmet» qyzmeti baǵytynyń shyǵyndary osy qyzmet baǵytynyń qyzmet kórsetý prosesterin jáne «Aeronavıgasııalyq qyzmet kórsetý», «Áýejaılyq qyzmet» qyzmet baǵyttary kórsetken ishki qyzmetter úshin transferttik tólemderdi qamtamasyz etýge baılanysty shyǵyndardan jınaqtalady. «Avıasııalyq qyzmet» qyzmeti baǵytynyń qoldanysqa engizilgen aktıvteri osy qyzmet baǵytynyń elementterine (negizgi jáne qosalqy jabdyq, ózge jabdyq, úı-jaı jáne qurylys, ınfraqurylymdar elementter, sondaı-aq qyzmet baǵytynyń tıisti elementterimen baılanysty materıaldyq emes aktıvter) toptastyrylǵan aktıvterden turady. 25. «Avıasııalyq qyzmet» qyzmeti baǵyty mynalarmen: ushýlardy áýeaılaqtyq-tehnıkalyq qamtamasyz etýmen; ushýlardy radıotehnıkalyq qamtamasyz etýmen; áýe kemelerin ınjenerlik-avıasııalyq qyzmet kórsetýmen; ushýlardy meteorologııalyq qamtamasyz etýdi uıymdastyrýmen; ushýlardy ornıtologııalyq qamtamasyz etýmen; ushýlardy medısınalyq qamtamasyz etýmen; qyzmetter tutynýshylarymen jumys jasaýmen (sharttardy, shottardy resimdeýmen) baılanys­ty qyzmetter kórsetý prosesterin qamtıdy. Qyzmettiń osy baǵyty ishki jáne syrtqy qyzmetter usynady. Ishki qyzmetterge: «Avıasııalyq qyzmet» qyzmeti baǵytyna áýe kemelerine jedel tehnıkalyq qyzmet kórsetý, ushaq­tarǵa, tikushaqtarǵa, qozǵaltqyshtarǵa jáne basqa avıasııa tehnıkasyna kezeńdik tehnıkalyq qyzmet kórsetý jáne jóndeý boıynsha kórsetiletin qyzmetter, sondaı-aq «Áýejaılyq qyzmet» qyz­meti baǵyty syrtqy paıdalanýshylarǵa syrtqy qyzmetter retinde kórsetetin qyzmetterdiń basqa túrleri; «Avıasııalyq qyzmet» jáne «Aeronavıgasııalyq qyzmet kórsetý» qyzmeti baǵyttary kórsetetin elektr energııasyn berý jáne taratý, jylýmen jabdyqtaý, sýmen jabdyqtaý jónindegi qyzmetter; «О́zge qyzmet» qyzmeti baǵyty olardy odan ári syrtqy paıdalanýshylarǵa baılanys qyzmetteriniń túrinde ótkizý maqsatynda kórsetiletin qyzmetter, elektr energııasyn berý jáne taratý jónindegi qyzmetter men ushýlardy elektrmen jaryq berýdi tehnıkalyq qamtamasyz etý qyzmetiniń joǵary voltti zerthana jumystary jatady. Syrtqy qyzmetterge: avıasııalyq qaýipsizdikti qamtamasyz etý jónindegi qyzmetter; áýe kemeleriniń ushý-qoný jónindegi qyzmetter; ishki áýe jelileriniń jáne halyqaralyq áýe jelileriniń jolaýshylaryna qyzmet kórsetý jónindegi qyzmetter; ishki áýe jelileriniń jáne halyqaralyq áýe jelileriniń júkterin, pochtalaryn, normatıvten artyq júkti óńdeý jónindegi qyzmetter; áýe kemelerin qarsy alýdy - shyǵarýdy qamtamasyz etý jónindegi qyzmetter; áýe kemelerine tranzıttik nysan boıynsha qyzmet kórsetý jónindegi qyzmetter; avıasııalyq janar-jaǵar materıaldarymen qamtamasyz etý jónindegi qyzmetter; arnaıy avtokóliktik quraldardy usyný jónindegi qyzmetter jatady. «Áýejaılyq qyzmet» qyzmet baǵytynyń kiristeri syrtqy qyzmetter kórsetkeni úshin túsken kiristerden jáne «Avıasııalyq qyzmet», «Aeronavıgasııalyq qyzmet kórsetý» jáne «О́zge qyzmet» qyzmeti baǵyttary kórsetken ishki qyzmetter úshin ishki transferttik tólemderden jınaqtalady. «Áýejaılyq qyzmet» qyzmeti baǵytynyń shyǵyndary osy qyzmet baǵytynyń qyzmet kórsetý prosesterin qamtamasyz etýge baılanysty shyǵyndardan jáne «Aeronavıgasııalyq qyzmet kórsetý» qyzmeti baǵyty kórsetken ishki qyzmetter úshin transferttik tólemderden jınaqtalady. «Áýejaılyq qyzmet» qyzmeti baǵytynyń qoldanysqa engizilgen aktıvteri osy qyzmet baǵytynyń elementterine (jabdyq, úı-jaı jáne qurylys, ınfraqurylym elementteri, sondaı-aq osy qyzmet baǵytynyń tıisti elementterine baılanysty materıaldyq emes aktıvter) toptastyrylǵan aktıvterden turady. 26. «Aeronavıgasııalyq qyzmet kórsetý» qyzmeti baǵyty mynalarmen: áýe qozǵalysyn josparlaýmen, úılestirýmen, qyzmet kórsetýmen; aeronavıgasııalyq jabdyqty paıdalanýmen baılanysty qyzmetter kórsetý prosesterin qamtıdy. Osy qyzmet baǵyty syrtqy jáne ishki qyzmetter usynady. Syrtqy qyzmetterge áýe trassalarynda jáne halyqaralyq áýe jelilerinde aeronavıgasııalyq qyz­met kórsetý qyzmetterin usyný jónindegi syrtqy paıdalanýshylarǵa kórsetiletin qyzmetter jatady. Ishki qyzmetterge «Avıasııalyq qyzmet» jáne «Áýejaılyq qyzmet» qyzmet baǵyttary kórsetetin aeronavıgasııalyq qyzmet kórsetý jónindegi qyzmetter jatady. «Aeronavıgasııalyq qyzmet kórsetý» qyzmeti baǵytynyń kiristeri syrtqy qyzmetter kórsetý úshin alynǵan kiristerden jáne «Avıasııalyq qyzmet» pen «Áýejaılyq qyzmet» qyzmeti baǵyttary kórsetken ishki qyzmetter úshin transferttik tólemderden jınaqtalady. «Aeronavıgasııalyq qyzmet kórsetý» qyzmet baǵytynyń shyǵyndary osy qyzmet baǵytynyń qyzmetter kórsetý prosesterin qamtamasyz etýge baılanysty shyǵyndardan jáne «Áýejaılyq qyzmet» qyzmeti baǵyty kórsetken ishki qyzmet úshin transferttik tólemderden jınaqtalady. «Aeronavıgasııalyq qyzmet kórsetý» qyzmeti baǵytynyń qoldanysqa engizilgen aktıvteri osy qyzmet baǵytynyń elementterine (negizgi jáne qosalqy jabdyq, ózge jabdyq, úı-jaı jáne qurylys, ınfraqurylymdar elementteri, sondaı-aq qyzmet baǵytynyń tıisti elementterimen baılanysty materıaldyq emes aktıvter) toptastyrylǵan aktıvterden turady. 27. «Agenttik qyzmet kórsetý» qyzmeti baǵyty jolaýshylarǵa bıletter satýǵa baılanysty qyzmetter kórsetý prosesterin qamtıdy. Osy qyzmet baǵyty syrtqy paıdalanýshylarǵa kórsetiletin qyzmetterdi usynady, oǵan: halyqaralyq avıa tasymaldarǵa bıletter satýǵa baılanysty qyzmetter; ishki avıa tasymaldarǵa bıletter satýǵa baılanysty qyzmetter jatady. «Agenttik qyzmet kórsetý» qyzmeti baǵytynyń kiristeri syrtqy qyzmetter kórsetýden alynǵan kiristerden jınaqtalady, olar joǵaryda atalǵan qyzmetter kórsetilgen tıisti qyzmetterdiń kólemderine jáne baǵalaryna baılanysty aıqyndalady. «Agenttik qyzmet kórsetý» qyzmeti baǵytynyń shyǵyndary osy qyzmet baǵytynyń qyzmetter kórsetý prosesterin qamtamasyz etýge baılanysty shyǵyndardan jáne «Avıasııalyq qyzmet» qyzmeti baǵyty kórsetken ishki qyzmetter úshin transferttik tólemderden jınaqtalady. «Agenttik qyzmet kórsetý» qyzmeti baǵytynyń qoldanysqa engizilgen aktıvteri osy qyzmet baǵytynyń elementterine (jabdyq, úı-jaı jáne qurylys, ınfraqurylymdar elementteri, sondaı-aq osy qyzmet baǵytynyń tıisti elementterine baılanysty materıaldyq emes aktıvter) toptastyrylǵan aktıvterden turady. 28. «О́zge qyzmet» qyzmeti baǵyty ózge qyzmetterdi júzege asyrýǵa baılanysty qyzmetter kórsetý prosesterin qamtıdy. Osy qyzmet baǵyty syrtqy qyzmetter usynady. «О́zge qyzmet» qyzmeti baǵytynyń kiristeri syrtqy qyzmetter kórsetýden alynǵan kiristerden jınaqtalady, olar joǵaryda atalǵan qyzmetter kórsetilgen tıisti qyzmetterdiń kólemderine jáne baǵalaryna baılanysty aıqyndalady. «О́zge qyzmet» qyzmeti baǵytynyń shyǵyndary osy qyzmet baǵyty kórsetken qyzmetter prosesterin qamtamasyz etýge baılanysty shyǵyndardan jáne «Áýejaılyq qyzmet» qyzmeti baǵyty kórsetken ishki qyzmetter úshin transferttik tólemderden jınaqtalady. «О́zge qyzmet» qyzmeti baǵytynyń qoldanysqa engizilgen aktıvteri osy qyzmet baǵytynyń elementterine (jabdyq, úı-jaı jáne qurylys, ınfraqurylymdar elementteri, sondaı-aq osy qyzmet baǵytynyń tıisti elementterine baılanysty materıaldyq emes aktıvter) toptastyrylǵan aktıvterden turady. 4. Shyǵyndar men qoldanysqa engizilgen aktıvterdi bólý tártibi 29. Bólek esep júrgizý maqsatynda amortızasııalyq aýdarymdardan basqa shyǵyndar jáne qoldanysqa engizilgen aktıvter tikeleı, janama, birlesken jáne jalpy bolyp bólinedi. Amortızasııalyq aýdarymdardy rettelip kórsetiletin qyzmetterdiń túrleri boıynsha qoldanysqa engizilgen aktıvterge bólý qoldanysqa engizilgen aktıvterdiń bólek esebi derekteriniń negizinde júrgiziledi. 30. Shyǵyndardy bólý jáne qoldanysqa engizilgen aktıvterdiń dárejesin aıqyndaý úshin qyzmettiń tıisti baǵyttarymen jáne áýejaılar usynǵan qyzmettermen shyǵyndardyń jáne qoldanysqa engizilgen aktıvterdiń sebep-saldarlyq baılanysy negizinde bólý ádisi paıdalanylady. Bql rette shyǵyndar men qoldanysqa engizilgen aktıvterdiń árbir qyzmet baǵyty boıynsha resýrstarmen sebep-saldarlyq baılanysy jáne osy resýrstardyń áýejaılar usynatyn qyzmettermen sebep-saldarlyq baılanysy belgilenedi. 31. Osy Qaǵıdalardyń 1-qosymshasany sáıkes áýejaılar kórsetetin qyzmetter túrlerine shyǵyndar men qoldanysqa engizilgen aktıvterdi bólý prosesi kezeń-kezeńmen júzege asyrylady: 1-kezeń. Shyǵyndar men qoldanysqa engizilgen aktıvterdi shyǵyndarm, qoldanysqa engizilgen aktıvter jáne ekonomıkalyq resýrstar (shyǵyndar men qoldanysqa engizilgen aktıvterdi ekonomıkalyq resýrstarǵa bólý kezinde paıdalanylatyn shyǵyn faktorlarynyń negizgi tizbesi osy Qaǵıdalardyń 2-qosymshasynda keltirilgen) arasyndaǵy tikeleı jáne janama baılanystardy aıqyndaý jolymen ekonomıkalyq resýrstar boıynsha toptastyrý júzege asyrylady. Shyǵyndar men qoldanysqa engizilgen aktıvterdi ekonomıkalyq resýrstarǵa tikeleı jatqyzý shyǵyndar men qoldanysqa engizilgen aktıvterdiń osyndaı ekonomıkalyq resýrstarmen tikeleı baılanysy bolǵan kezde júzege asyrylady. Shyǵyndar, qoldanysqa engizilgen aktıvter jáne ekonomıkalyq resýrstar arasyndaǵy janama baılanystar bolǵan jaǵdaıda, shyǵyndar men qoldanysqa engizilgen aktıvterdi ekonomıkalyq resýrstarǵa janama bólý shyǵyn faktorlarynyń negizinde júzege asyrylady. 2-kezeń. Ekonomıkalyq resýrstarǵa jáne qyzmetter kórsetýdiń tıisti prosesterimen (óndiristik, qosalqy, basqarýshylyq) toptastyrylǵan shyǵyndar, qoldanysqa engizilgen aktıvter arasyndaǵy tikeleı jáne janama baılanystar aıqyndalady. Anyqtalǵan baılanystardyń neg