Onlaın-otyrysqa Qazaqstannyń, Ázerbaıjannyń, Túrkimenstannyń, Qyrǵyz Respýblıkasynyń jáne О́zbekstannyń memlekettik organdarynyń, sondaı-aq BUU EEK, BUU ATMEÁK, halyqaralyq ÚEU ókilderi qatysty.
Qatysýshylar arasynda COVID-19 pandemııasy kezinde saıası den qoıý sharalaryn qabyldaý máseleleri boıynsha, sondaı-aq genderlik teńdikti qamtamasyz etý salasynda paıdaly tájirıbe almasý boldy.
Onlaın-otyrysqa QR AQDM Jastar jáne otbasy isteri komıtetiniń tóraǵasy Shahmardan Baımanov qatysty. Ol Qazaqstandaǵy Otbasylyq-genderlik saıasattyń 2030 jylǵa deıingi tujyrymdamasynyń erekshelikteri jáne ony oryndaý jónindegi is-sharalar jospary týraly aıtyp berdi. Tujyrymdama Memleket basshysynyń bıylǵy Qazaqstan halqyna Joldaýynda aıtylǵan tapsyrmalaryn oryndaý aıasynda iske asyrylady. Sh.Baımanov Mınıstrlik BUU - áıeldermen birlesip, 2022-2024 jyldary Qazaqstandaǵy barlyq áıelder men qyzdardyń quqyqtary men múmkindikterin keńeıtý, genderlik teńdikti qamtamasyz etý boıynsha jobany iske asyrýdy josparlap otyrǵanyn atap ótti.
Máselen, otbasylyq-genderlik saıasatty iske asyrýǵa azamattyq sektordy belsendi túrde tartý boıynsha jumys júrgizilýde. Qazir Qazaqstannyń ÚEU Derekqorynda genderlik jáne otbasylyq saıasat máselelerin sheshýmen tikeleı aınalysatyn 106 ÚEU tirkelgen.
Sonymen qatar, otyrys barysynda qatysýshylarǵa BUU EEK jáne ATMEÁK-tiń turaqty damý jáne genderlik máseleler jónindegi bólimi 2021 jylǵy 15-17 qarasha aralyǵynda Tashkentte (О́zbekstan) genderlik máseleler jóninde keńes ótkizýdi josparlap otyrǵany týraly habarlandy.
