Aqtóbe oblystyq polısııa departamenti Esirtki qylmysyna qarsy is-qımyl basqarmasynyń qyzmetkerleri jáne QR IIM UU arnaıy jasaǵynyń sarbazdarymen birge «Qarasora-2021» jedel is-sharasy barysynda 47 jastaǵy er adamdy ustady. Polıseıler ustalǵan azamattyń avtokóliginen 3 kg-den astam marıhýana taýyp, tárkiledi.
«Er adamnyń esirtkige elitken kúıinde ustalǵany saraptama kezinde anyqtaldy. Atalǵan fakti negizinde Qylmystyq kodekstiń «Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý» baby boıynsha tergeý bastaldy. Osy baptyń sanksııasynda bes jyldan on jylǵa deıingi merzimge bas bostandyǵynan aıyrý kózdelgen. Kúdikti Aqtóbe qalasy Polısııa basqarmasynyń ýaqytsha ustaý ızolıatoryna qamaldy», dedi oblystyq PD baspasóz qyzmetiniń jetekshisi Erbolat Sarqulov.
