Jambyl oblysynyń Polısııa departamenti Esirtki qylmysyna qarsy is-qımyl basqarmasynyń qyzmetkerleri 10 aıda esirtki qylmysynyń 630 deregin, onyń ishinde esirtki ótkizýdiń 118 deregin, asa iri kólemde saqtaýdyń 59, esirtki, psıhotroptyq nemese ýly zattarmen jumys isteý qaǵıdalaryn buzýdyń 1 deregin, qylmystyq teris qylyqtyń 409, esirtki quraldaryn kontrabandalaýdyń 18 deregin jáne esirtki bar ósimdikter ósirýdiń 22 deregin, butalardy joıýdyń 582 deregin anyqtady.
Zańsyz aınalymnan 3 tonna 248 keli esirtki zaty alyndy, bul ótken jylmen salystyrǵanda 280 kelige artyq. Atap aıtqanda, 105 keliden astam gashısh, 1 keli 35 gr geroın jáne 1 keliden astam sıntetıkalyq esirtki tárkilendi.
«Sonymen qatar, jer jyrtý, shabý jáne órteý arqyly 112 tonnadan astam jabaıy qarasora joıyldy, bul ótken jylmen salystyrǵanda 62 tonnaǵa joǵary. Bul baǵyttaǵy jumystar jalǵasyp jatyr», dedi Jambyl oblysynyń Polısııa departamenti Esirtki qylmysyna qarsy is-qımyl basqarmasynyń bastyǵy Asqar Jumabekov.
