Jıynda sóz sóılegen Akademııa prezıdenti Darhan Qydyráli Ázerbaıjannyń tóraǵalyq etý kezinde pandemııaǵa qaramastan kóptegen is-sharalardyń sátti jalǵasqanyn aıtyp, Ázerbaıjannyń Bilim mınıstri Emın Amrýllaevqa jemisti jumysy úshin rızashylyǵyn bildirdi.
Tóraǵalyqty qabyldap alǵan Túrkııa tarapy óz merzimin sátti jalǵastyratynyna senim bildirdi. Ázerbaıjannyń Bilim mınıstri Akademııa men Ǵylymı keńes múshelerine rızashylyǵyn bildirip, Túrkııanyń Ulttyq bilim mınıstri Mahmýt О́zerge Tóraǵalyq belgisin bildiretin taqtany tabys etti.
Otyrysqa Majarstan - baqylaýshy mártebesinde, al О́zbekstan tuńǵysh ret qonaq retinde qatysyp, aldaǵy ýaqyttarda Túrki akademııasynyń jumysyna mán beretinin jetkizdi.
Otyrys qorytyndysy boıynsha Halyqaralyq Túrki akademııasy Ǵylymı keńesiniń V otyrysyn 2022 jyly Qazaqstanda ótkizý týraly sheshim qabyldandy.
