Májilis Spıkeri Nurlan Nyǵmatýlın atap ótkendeı, Palata depýtattary birinshi oqylymda Salyq kodeksine zańnamalyq túzetýler men ony qoldanysqa engizý týraly zańdy talqylaýy tıis.
Parlamentarııler ázirlegen zań jobasynda, atap aıtqanda, kameraldyq baqylaý nátıjeleri boıynsha salyq daýlaryn retteýdiń mindetti sotqa deıingi tártibin engizý usynylady, bul azamattardyń sot talqylaýlary sheńberine tartylýyn tómendetýge múmkindik beredi.
Májilis birinshi oqylymda quqyq qorǵaý organdary, prokýratýra men sot arasyndaǵy ókilettikter men jaýapkershilik aımaqtarynyń arajigin ajyrata otyryp, úsh býyndy modeldi engizý máseleleri boıynsha zańnamalyq túzetýlerdi qaraıdy.
Palatanyń aldaǵy jalpy otyrysynyń kún tártibiniń jobasyna birqatar ratıfıkasııalyq zań jobalaryn talqylaý da engizildi. Bul Qazaqstannyń Qyrǵyzstanmen jáne Tájikstanmen óteýsiz áskerı-tehnıkalyq kómek kórsetý týraly, sondaı-aq Tájikstanmen tájik-aýǵan shekarasynyń irgeles aýdandarynda qaýipsizdikti qamtamasyz etýde áskerı-tehnıkalyq járdem kórsetý týraly kelisimderi.
Depýtattar adam quqyqtary jónindegi ýákilge jáne onyń qyzmetine qatysty zań jobalaryn ekinshi oqylymda qaraıdy.
Budan basqa, ólim jazasy máseleleri boıynsha Qylmystyq kodekske túzetýlerdi ekinshi oqylymda qaraý josparlanǵan.
