Naqtylaı aıtqanda, baıqaýǵa qatysýshy bir fılmde san qyrynan kórinip, ssenarıst, rejısser, operator, montaj, tipti akter retinde de óz sheberligimen erekshelenýi kerek.
Festıvaldi uıymdastyrýshy belgili rejısser Farhat Serkebaev qatysýshylardyń qatary kúnnen-kúnge kóbeıip kele jatqanyn aıtady. Úmitkerler «Úzdik rejıssýra», «Úzdik operatorlyq jumys», «Úzdik ssenarıı», «Úzdik akter», «Úzdik áleýmettik rolık», «Úzdik motıvasııalyq rolık», «Úzdik komedııa», «Kórermender kózaıymy» sııaqty 7 atalym boıynsha baq synaıdy.
– Jobanyń basty ereksheligi sol – kez kelgen adam óz fılmin mobıldi qurylǵysyna túsire alady. Ol úshin úlken túsirilim toby da, apparatýra da, arnaıy alań da qajet emes. 5 mınýttan aspaıtyn fılmmen baıqaý jeńimpazy atanýǵa árkimniń múmkindigi bar. Janrlyq shekteý de joq. Ol áleýmettik drama bola ma, álde komedııa ma, eń bastysy, ıdeıaǵa mán beriledi. Aýqymdy jobamyzdy «Qazaqfılm» kınostýdııasy qoldap otyr, dedi F.Serkebaev.
Uıymdastyrýshynyń aıtýynsha, sharanyń bastapqy maqsaty Tobyl óńiriniń turǵyndary arasynan úzdikterdi irikteý bolatyn. Biraq soǵan qaramastan, festıval saıtyna Almaty, Shymkent, Taraz, Oral qalalarynyń turǵyndary da materıaldaryn júktegen. Sondyqtan, ekpindi Qostanaı oblysyna salyp, áli de kóp qatysýshynyń ótinim berýin kútý josparda bar.
Festıval erejesine sáıkes, 10-20 qarasha aralyǵynda irikteý aınalymy ótip, 26 qarashada jeńimpazdar marapattalýy tıis. Jeńimpazdarǵa montaj jasaýǵa arnalǵan kompıýter, qymbat smartfon, dron sekildi baǵaly syılyqtar tabys etiledi.
Qostanaı oblysy
