Jıyn barysynda mınıstrler kabıneti men Densaýlyq saqtaý mınıstrliginiń atalǵan salalardaǵy qyzmetindegi kemshilikter synǵa alyndy.
«Halqymyzdyń densaýlyǵy – bizdiń baılyǵymyz, onyń qunyn eshteńemen ólsheýge bolmaıdy. Sondyqtan medısınany halyq talabyna saı júıege aınaldyrý jóninde aldymyzǵa aýqymdy mindetter qoıdyq. Osy maqsatta biz alǵashqy medısınalyq-sanıtarlyq kómekke bólinetin qarajatty eki esege arttyryp, jıi kezdesetin aýrýlardyń aldyn alý boıynsha jeke baǵdarlama qabyldaımyz», dedi О́zbekstan Prezıdenti.
Sondaı-aq kardıologııa salasyndaǵy aldaǵy mindetter qarastyryldy. Taldaý nátıjesine súıensek, О́zbekstannyń 30-70 jas aralyǵyndaǵy turǵyndardyń óliminiń 53 paıyzy júrek-qan tamyrlary aýrýlarymen baılanysty. Sońǵy bes jylda olardyń sany 20 paıyzǵa ósti, tipti jastar arasynda da. Júrek-qan tamyrlary aýrýlarynyń dıagnozy eldegi shamamen 4 mıllıon adamǵa qoıylǵan. Bul jalpy halyqtyń 12 paıyzyn quraıdy.
Sondyqtan júrek-qan tamyrlary aýrýlarynyń aldyn alý, erte anyqtaý jáne tıimdi emdeýdiń jańa júıesin engizý josparlanýda. Máselen, keler jyldan bastap otbasylyq emhanalar men medısınalyq brıgadalar arqyly 40 jastan asqan búkil halyq jylyna keminde bir ret maqsatty skrınıngten ótedi, aýdandyq zerthanalar koagýlometrlermen jáne qajetti reagenttermen qamtamasyz etiledi. Júrek-qan tamyrlary aýrýlaryna shaldyqqan naýqastardyń biryńǵaı elektrondy tizilimin engizý, dári-dármekti muqtaj jandarǵa tegin taratý josparlanýda.
