Álem • 10 Qarasha, 2021

Polsha-Belarýs shekarasyndaǵy kólikter kezegi 25 shaqyrymǵa sozyldy

170 ret

kórsetildi

1 mın

oqý úshin

Kýznısadaǵy ótkizý pýnkti jabylǵannan keıin Polsha-Belarýs shekarasynda júk kólikteriniń úlken kezegi paıda boldy. Bul týraly Polsha shekara kúzeti Podlıask komendatýrasynyń baspasóz hatshysy Katajına Zdanovıch málimdedi, dep habarlaıdy Egemen.kz.

Gaýhar QAPASh

Polsha-Belarýs shekarasyndaǵy kólikter kezegi 25 shaqyrymǵa sozyldy

Buǵan deıin polıak shekarashylary Varshava 9 qarashadan bastap mıgranttarǵa baılanysty Belarýspen shekaradaǵy ótkizý pýnktin jabatynyn habarlady. Barlyq júk kóligi basqa ótkizý pýnktterine jiberiletini aıtyldy.

«Meniń aqparatym boıynsha, Bobrovnıktegi shekara ótkelinde kútý ýaqyty 39 saǵat bolady», dedi Zdanovıch.

Onyń aıtýynsha, qazir kezek shamamen 25 shaqyrymǵa sozylǵan.

Buǵan deıin Polsha Ulttyq Assambleıasynyń tómengi palatasy zańsyz kóshi-qonnan saqtaný úshin Belarýspen shekarada qorshaý salý týraly sheshim shyǵarǵany habarlanǵan. Polshanyń Ishki ister jáne ákimshilik mınıstri Marıýsh Kamınskıı Belarýspen shekaradaǵy qozǵalysty baqylaý, anyqtaý júıesimen jabdyqtalǵan qorshaý salynǵanyn málimdedi. Sondaı-aq, Polsha Qorǵanys mınıstrligi bosqyndar lagerine Belarýs qaýipsizdik kúshteri jaqyndap kele jatqanyn málimdedi. Polsha Ishki ister mınıstrliginiń málimetinshe, shekarada 12 myń áskerı, 4 myń shekarashy, 1,5 myń polısııa qyzmetkeri jáne terrorızmge qarsy bólimsheniń 250 qyzmetkeri ornalastyrylǵan. Polıak tarapy shekarada estilgen atys kórshi jaqta ekenin aıtqan edi.