Oqıǵa • 11 Qarasha, 2021

Túrkistan oblysynda poshta bólimshesinen 35 mıllıon teńge urlanǵan

175 ret

kórsetildi

1 mın

oqý úshin

Túrkistan oblysynyń polıseıleri Saryaǵashtaǵy poshta bólimshesinen 35 mıllıon teńge urlaǵan kúdiktini ustady, dep habarlaıdy Egemen.kz.

Gaýhar QAPASh

Túrkistan oblysynda poshta bólimshesinen 35 mıllıon teńge urlanǵan

Saryaǵash APB-ne poshta bólimshesiniń qyzmetkeri belgisiz bireýler mekemege tıesili 35 mıllıon teńgeni urlap ketkenin aıtyp, aryzdanǵan. Bul derekti polıseıler QR QK-niń 190-baby «Alaıaqtyq» boıynsha tirkegen.

Kórsetilgen mekenjaı boıynsha oqıǵa ornyna barǵan tártip saqshylary beınebaqylaý kameralaryndaǵy jazbalardy muqııat tekserip, basqa zattaı dáleldemelerdi zerttedi. Jedel-izdestirý is-sharalarynyń nátıjesinde polısııa qyzmetkerleri poshta qyzmetkerleriniń biri bolyp shyqqan kúdiktini anyqtady.

Sondaı-aq, tergeý barysynda jedel ýákilder kúdiktige qylmys jasaýǵa kómektesken onyń eki seriktesin anyqtady. Olardyń biri - jergilikti turǵyn, al ekinshisi - Semeı qalasynyń turǵyny.

Poshta qyzmetkeri eki seriktesimen birge aldyn ala kelisip, alaıaqtyq jolmen mekeme qorynan aqsha urlap, ony óz shotyna aýdarǵan. Urlanǵan aqshany ózara bólisken.

Qazir bul qylmys boıynsha sotqa deıingi tergeý amaldary júrgizilip jatyr. Kúdiktilerdiń úsheýi de qamaýǵa alyndy. Oqıǵanyń mán-jaıy tergeý barysynda anyqtalady.