Koronavırýs • 12 Qarasha, 2021

Pfizer jyry

3061 ret kórsetildi

«Kúmis kezdik súıkimdi» degendeı, kópten beri qoǵamda qyzý pikirtalasqa negiz bolǵan Pfizer vaksınasynyń alǵashqy legi elimizge jetkizildi. Pfizer vaksınasynyń 46 800 dozasy Almaty qoǵamdyq densaýlyq saqtaý basqarmasynyń ortalyqtandyrylǵan qoımasyna ornalastyryldy. Bul partııa alyp shahardyń barlyq emhanalyq uıymyna bólinbek.

Dúnıejúzilik densaýlyq saqtaý uıymy 12 jastan 18 jasqa deıingi balalardy, júkti áıelder men bala emizetin analardy Pfizer vaksınasymen vaksınalaýdy usynǵany belgili. AQSh-ta osyǵan deıin atalǵan ekpe 8 mln-nan astam balaǵa salynǵan eken. Jalpy, bul elde vaksına balalarǵa 5 jastan bastap salynsa, Qytaıda 3 jastan bastap salynady. Qytaıda qazan aıyndaǵy derekke sáıkes 3-17 jas aralyǵyndaǵy 60 mln-nan astam bala ınaktıvti ekpe alǵan. Álemniń 20-dan astam elinde ekpe balalarǵa 12 jastan bas­tap salynyp jatyr. Qazaqstan osy sońǵy sanatqa enbek. Iаǵnı elimiz álemdegi indettiń qubylmaly raıyn eskere otyryp, 12-18 jas arasyndaǵy balalar men jasóspirimderdi ımmýndaýda tórtkúl dúnıege tıimdiligimen tanylǵan Pfizer vaksınasyn paıdalanady.

Elimizde koronavırýs ınfeksııasyna qarsy ekpe tegin jáne erikti túrde júrgiziletini málim. «Halyq densaýlyǵy jáne densaýlyq saqtaý júıesi týraly» kodekstiń 77-baby boıynsha kez kelgen me­dı­sınalyq rásim, onyń ishinde vaksına ekpe alýshynyń kelisimimen ǵana salynady. 12 jastan 17 jasqa deıingi jasóspirim­der­di vaksınalaýǵa ata-analarynyń nemese olardyń zańdy ókilderiniń jazbasha kelisimimen ǵana ruqsat beriledi. Iаǵnı elimizde vaksınalaýdan bas tartqany úshin ákimshilik nemese qylmystyq jaýapkershilik qarastyrylmaǵanyn aıta ketelik.

Almaty qalasyndaǵy ortalyq qalalyq klınıkalyq aýrýhana dırektorynyń ınfeksııalyq baqylaý epıdemıologııalyq máseleleri jónindegi orynbasary Elvıra Ibragımova vaksınalaý birinshi kezeńde medısınalyq mekemelerde, sodan keıin mektepter men joǵary oqý oryndarynda júrgiziletinin jetkizdi. 23400-den eki komponentke bólinetin vaksınany júkti (16-30 apta), bala emizetin áıelder (bala týǵannan bastap 42 kúnnen keıin) jáne 12 jastan 18 jasqa deıingi jasóspirimder ala alady.

Vaksınanyń temperatýralyq rejimi­niń barlyq sharttaryn saqtaı otyryp jetkizilgenin aıtqan dárigerler vaksınalaýdy 21-28 kún aralyǵynda júrgizbek. Vaksına qoımada Selsıı boıynsha 60-tan-90 gradýsqa deıingi temperatýralyq rejim­de saqtalady. Dese de emhanalar vak­sı­na alǵan kezde temperatýra reji­mi óz­ge­re­di. Iаǵnı vaksına Selsıı boıynsha + 2, + 8 gradýs temperatýrada saqtalady. Bul nusqaýlyqta bir aı ishinde atalǵan vaksınany osy temperatýralyq rejimde saqtaýǵa bolatyndyǵy jazylǵan.

Almaty qalasynyń sanıtarııalyq-epıdemıologııalyq baqylaý departamenti basshysynyń orynbasary Ásel Qalyqova Pfizer vaksınasynyń bir qutysy alty adamǵa arnalǵanyn, ázirge halyqtyń basqa tobyna bul vaksına egilmeıtinin atap ótti. Osy oraıda eldiń nazary Pfizer vaksınasyna aýyp otyrǵany ras. Onyń bir sebebi, vaksınalaý pasportynyń aıasy keńeıe túsetininde bolsa kerek. Iаǵnı shetelderge bul vaksınamen emin-erkin shyǵa alasyz.

Qazir elimizdiń birqatar óńirinde COVID-19 ahýaly turaqtandy. Dese de jańa shtamdarǵa qarsy qorǵanys áseriniń tómendeýine baılanysty qaıta egý usynylyp otyr. Álbette, dárigerler buǵan deıin Qazaqstan halqynyń basym bóligi egilgen Vero Cell, «Spýtnık V» jáne QazVac vaksınalarynyń «delta» syndy qaýipti shtamdarǵa qarsy jaqsy qorǵanys bolǵanyn atap ótti. Biraq epıdemıologter indettiń taralý qarqynynyń tómendeýi týraly tujyrym jasaýǵa áli erte ekenin, «ujymdyq ımmýnıtet» derbes qalyptaspaıtynyn, vaksınalaý men qaıta vaksınalaý 75-80 paıyzǵa jetkende ǵana aýrýdyń ekpini báseńdeıtinin aıtady. Revaksınalaýǵa qosymsha doza bolǵan jaǵdaıda Pfizer vaksınasyn da paıdalanýǵa bolady. Alaıda ázirge azamattardyń aldynda basqa da ınaktıvti jáne vektorlyq vaksınalardy tańdaýyna múmkindik bar.

Aıtpaqshy, Almaty qalasy qoǵamdyq densaýlyq basqarmasy basshysynyń orynbasary Svetlana Sultanǵazıeva júkti áıel vaksına alsa, balasy da koronavırýsqa qarsy ımmýnıtetpen dúnıege keletinin aıtady. Iаǵnı «Komırnatı» (Pfizer, AQSh) mRNK-vaksınasy júkti áıelder úshin qaýipti emes.

Qazir 30 myńnan asa almatylyq balasyna Pfizer vaksınasyn saldyrýǵa kelisim berip otyrǵan kórinedi. Atalǵan vaksınany salý búgin bastalady.

Sońǵy jańalyqtar

Álemdegi eń úlken muzdyq erip ketti

Ekologııa • Búgin, 11:05

15169 adam koronavırýs juqtyrdy

Koronavırýs • Keshe

Uqsas jańalyqtar