Aımaqtar • 12 Qarasha, 2021

Aksııa aıasynda qaıyrymdylyq jasaldy

26 ret kórsetildi

«Aýyl» halyqtyq-demokratııalyq patrıottyq partııasy Táýelsizdiktiń 30 jyldyǵyna arnap uıymdastyrǵan «30 ıgi is» aksııasy aıasynda kezekti qaıyrymdylyq sharasyn ótkizdi. Túrkistan oblysy Saıram aýdany Aqsýkent aýylynda partııanyń óńirlik fılıal tóraǵasy Nurjan Ájimetov pen partııa tizimimen saılanǵan oblys máslıhatynyń depýtaty Tóregeldi Qalmuratov Túrkııa ınvestorlarymen birge ashqan zaýyttyń alǵashqy ónimin balalar men erekshe muqtaj jandarǵa taratty.

«Tasaryq» arnaýly əleýmettik qyzmet kórsetý ortalyǵy men Saıram aýdandyq jumyspen qamtý jəne əleýmettik baǵdarlamalar bóliminiń «Úıde əleýmettik qyzmet kórsetý» mekemesine 4 000 dana medısınalyq buıym tegin tabys taldy. Zaýyt partııa múshesi, oblystyq məslıhat depýtaty Tóregeldi Qalmuratov pen Túrkııa kompanııasynyń birikken jobasynyń aıasynda jaqynda ashylǵan bolatyn. Kəsiporyn balalar men eresekterge arnalǵan gıgıenalyq ónim shyǵarýmen aınalysady. Jospar boıynsha óndiristik qýaty 400 mln dana bol maq. Bul elimizdegi ishki naryqtyń qajettiligin tolyq óteýge múmkindik beredi. Sonymen qatar eksport baǵytyn baǵyndyrý da kózdelýde. Shyǵarylatyn jórgekter ekologııalyq taza komponentterden jasalǵan, al onyń quramyndaǵy shıkizattyń barlyǵy otandyq ónim. Qaıyrymdylyqqa baǵyshtaǵan zattar-dy tapsyrý barysynda Tóregeldi Qalmuratov «Aýyl» partııasy bastaǵan «30 ıgi is» aksııasy týraly estı sala is-sharaǵa óz qalaýymen qatysýdy jón kórgenin jetkizdi. Onyń aıtýynsha, alǵashqy shyǵarǵan ónim joǵary sapaǵa ıe ekenin kórsetip otyr.

Depýtat elimizde kəsipkerlikti damytý saıasaty bıznes-sýbektilerdiń qoǵam aldynda əleýmettik jaýapkershiligin arttyrýyn kózdeıtinin aıtty. Bul eńbek etýdiń qaýipsiz jəne jaıly shart taryn qamtamasyz etýge, kəsibı damýǵa, turǵyn úı məselelerin sheshýge jəne qyzmetkerler men olardyń otbasylarynyń tirshilik etý sapasyn jaqsartýǵa, ardagerler men zeınetkerlerge materıaldyq qoldaý kórsetýge, əleýmettik qoǵamdastyqtarǵa qoldaý bildirýge baǵyttalǵan qadam. Ər kəsipker óz qaramaǵyndaǵy jumyskerlerge, aýyl turǵyndaryna qoldaý kórsetip tursa, əleýmettik problemalardyń azaıatynyn aıta kele, depýtat «Aýyl» partııasy uıymdastyrǵan qaıyrymdylyq aksııasyna barsha qazaqstandyqty atsalysyp, qatysýǵa shaqyrdy.

Tóregeldi Qalmuratovtyń aıtýyna qaraǵanda, qazirgi ýaqytta zaýytta 60 adam turaqty jumyspen qamtamasyz etilgen. Onyń 70 paıyzy erekshe muqtaj adamdar. Olarǵa turaqty jumys kózin ashyp berý arqyly zaýyt quryltaıshysy, aýyldyq Tóregeldi Qalmuratov múmkindigi shekteýli adamdardy qoldaý məselesin sózben emes, naqty ispen sheshýge bolatynyn dəleldedi. Sondaı-aq depýtat «Aýyl» partııasynyń otandyq óndiris oryndaryn ashý barysynda ımport kólemin azaıtyp, halyqtyń joǵary suranysyna ıe ónimderdi shyǵarý kerek degen talabyn oryndap otyr.

Aıta ketelik, «Aýyl» partııasynyń «30 ıgi is» aksııasy Almaty oblysynda baspanaǵa muqtaj adamdarǵa turǵyn úı kiltterin tabystaýdan bastalǵan edi jəne jeltoqsannyń 16-syna deıin jalǵasatyn bolady. Partııanyń baspasóz qyzmetiniń habarlaýynsha, is-sharalar barysynda qarttarǵa, kópbalaly otbasylar men múgedekterge qoldaý kórsetiledi. Júzdegen muqtaj adam azyq-túlik sebetterimen, vırýsqa qarsy jəne ımmýnıtetti jaqsartatyn preparattarmen qamtamasyz etiledi. Sondaı-aq oblys ortalyqtarynda «Dertti janǵa dem ber» donorlyq aksııasy, respýblıkalyq deńgeıde jıyndar ótkizilmek.

Sońǵy jańalyqtar

Petr Iаn úzdikter qataryna endi

Jekpe-jek • Búgin, 16:05

Erteń Qazaqstan quramasy Beıjińge attanady

Qysqy sport • Búgin, 11:15

Uqsas jańalyqtar