«Eýrazııalyq ekonomıkalyq kodekstiń 264-babynyń 1-tarmaǵy boıynsha, shetelden jeke paıdalaný úshin áklengen kólik quraldaryn Eýrazııalyq ekonomıkalyq odaq aýmaǵynda bir jyl kóleminde ǵana júrýge ruqsat berilgen. Mysaly, shetel azamattary bizdiń elge óz kóligimen jumys baby boıynsha nemese basqa sebeptermen kelse, osy bapqa súıenip, Qazaqstan aýmaǵynda bir jyl júre alady. Osy baptyń 6-tarmaǵy boınysha shetel azamattary bul kólikpen ózderi ǵana júre alady. Iаǵnı, deklaranttyń ózine ǵana júrýge ruqsat berilgen. Qazaqstan azamttaryna senimhatpen nemese basqa jolmen berýge bolmaıdy», dedi ol beınekonferensııa formatynda ótken onlaın brıfıngte.
Komıtet sarapshysynyń túsindirýi boıynsha, qazaqstandyqtar mundaı kólikterdi paıdalaný úshin búkil kedendik alym-calyqtardy tólep, memlekettik tirkeýge qoıǵannan keıin ǵana tizgindeı alady.
«Mundaı kólik quraldaryn Qazaqstan azamattary satyp alǵan jaǵdaıda kólikke qatysty kedendik bajdar men salyqtardyń bárin tólep, tıisti deklarasııasyn tapsyryp qana memlekettik tirkeýge qoıa alady», dedi Nurlan Namysov.
