Koronavırýs • 12 Qarasha, 2021

Vaksınalaý pasportynda jańa derek paıda bolady

1178 ret kórsetildi

Densaýlyq saqtaý mınıstrligi Sanıtarlyq-epıdemıologııalyq baqylaý komıtetiniń tóraıymy Aıjan Esmaǵambetova vaksınalaý pasportynda revaksınasııa týraly derekter bolatynyn aıtty, dep habarlaıdy Egemen.kz.

«Revaksınasııaǵa qaramastan, vaksınanyń eki dozasyn saldyrǵan adamda Ashyq-taǵy «jasyl» statýs bir jyl saqtalady. Iаǵnı, qaıta vaksına alatyndarǵa bul merzimdi uzartý múmkindigin qarastyryp jatyrmyz. Tek onyń qansha ýaqytqa sozylatynyn anyqtaý kerek», dedi Esmaǵambetova Ortalyq kommýnıkasııalar qyzmetinde ótken brıfıngte.

Onyń aıtýynsha, álemde koronavırýsqa qarsy ımmýnıtet qanshaǵa sozylatyny týraly dáleldengen derekter jetkiliksiz.

«Sonymen qatar 7 aıdan bir jylǵa deıin, ártúrli derekter bar. Sondyqtan derekterge súıene otyryp, Ashyq-taǵy «jasyl» mártebe bir jylǵa belgilendi. Keıbir jańa derekterge súıensek, ıá, ımmýnıtet uzaqqa sozylady, biraq, ókinishke qaraı, álemde bolyp jatqan jaǵdaıdy jáne revaksınasııany eskersek ımmýnıtet aıtarlyqtaı uzaqqa sozylmaıdy», dep túsindirdi Esmaǵambetova.

Esmaǵambetova barlyq vaksınalaý deregi vaksınalaý pasportynda naqty vaksına men vaksınalaý kúnin kórsete otyryp engiziletinin aıtty.
Sońǵy jańalyqtar

Uqsas jańalyqtar