Turǵyn úı alý sharttary
Jumys istep júrgen jastarǵa satyp alý quqyǵynsyz jalǵa beriletin turǵynjaı berý qaǵıdalary «Memlekettik jastar saıasaty týraly» 2015 jylǵy 9 aqpandaǵy Qazaqstan Respýblıkasynyń Zańy 6-babynyń 12-1 tarmaqshasyna sáıkes ázirlendi jáne jumys istep júrgen jastarǵa satyp alý quqyǵynsyz jalǵa beriletin turǵynjaı berý tártibin aıqyndaıdy.
29 jasqa tolmaǵan, jalpy bilim beretin mektepterdiń, tehnıkalyq, kásiptik jáne orta bilimnen keıingi, joǵary oqý ornynan keıingi bilim berý uıymdarynyń bilim beretin oqý baǵdarlamalaryn meńgergen jáne eńbek qyzmetin júzege asyryp júrgen Qazaqstan Respýblıkasynyń azamattary qatysady.
Almaty qalasynda sońǵy 2 jyldan kem emes turaqty tirkelýin rastaý (turǵyn úıdi Almaty qalasynan jalǵa alýǵa úmittenetin adamdar úshin).
Ornalasqan jeri boıynsha jergilikti atqarýshy organnyń tıisti anyqtamasymen rastalatyn avarııalyq jaǵdaıdaǵy, qulaý qaýpi bar turǵyn úıdi qospaǵanda, ótinish berýshiniń, jubaıynyń jáne kámeletke tolmaǵan balalarynyń ótinish berý aldynda 2 jyl ishinde Qazaqstan Respýblıkasy boıynsha menshik quqyǵyndaǵy turǵyn úıdiń, satyp alý quqyǵymen jalǵa beriletin turǵyn úıdiń joqtyǵyn rastaý.
О́tinishterdi jáne qujattardy berý osy saıt arqyly júzege asyrylady. Qabyldaý portalynda avtorızasııa elektrondyq sıfrlik qoltańba arqyly júrgiziledi. Ony HQO-dan alýǵa bolady.
Satyp alý quqyǵynsyz jalǵa beriletin turǵyn úı 5 jyl merzimge beriledi.
Jalǵa berý aqysy Qazaqstan Respýblıkasy Qurylys jáne Turǵyn úı-kommýnaldyq sharýashylyq isteri agenttigi tóraǵasynyń 2011 jylǵy 26 tamyzdaǵy № 306 buıryǵymen bekitilgen Memlekettik turǵyn úı qoryndaǵy turǵyn úıdi paıdalanǵany úshin tólemaqy mólsherin esepteý ádistemesine sáıkes anyqtalady.
Turǵyn úı qaıda ornalasqan
Satyp alý quqyǵynsyz jalǵa beriletin turǵyn úı Almaty qalasynda beriledi. 1050 páter Naýryzbaı aýdanynyń «Alma sıtı-5» TK jáne Alataý aýdanynyń «Mádenıet» TK ornalasqan.
Jalǵa berý aqysy Qazaqstan Respýblıkasy Qurylys jáne Turǵyn úı-kommýnaldyq sharýashylyq isteri agenttigi tóraǵasynyń 2011 jylǵy 26 tamyzdaǵy № 306 buıryǵymen bekitilgen Memlekettik turǵyn úı qoryndaǵy turǵyn úıdi paıdalanǵany úshin tólemaqy mólsherin esepteý ádistemesine sáıkes anyqtalady.
Qajetti qujattar
- Erejedegi qosymshaǵa sáıkes forma boıynsha ótinish (ótinimdi toltyrǵan soń ózi qurylady);
- Berýshiniń jáne erli-zaıyptylardyń (bar bolsa) jeke basyn kýálandyratyn skanerlengen qujat;
- Bilim týraly skanerlengen qujaty (dıplom, sertıfıkattar);
- Neke qııý týraly skanerlengen kýálik (bar bolsa);
- Balalardyń skanerlengen týý týraly kýáligi (bar bolsa);
- Qazaqstan Respýblıkasy boıynsha ótinish berýshige jáne otbasynyń barlyq múshelerine jyljymaıtyn múliktiń joq (bar) ekendigi týraly anyqtama;
- Jumys ornynan skanerlengen anyqtama, sondaı-aq, jeke kásipkerlik júrgizgen jaǵdaıda jeke kásipkerliktiń tirkelýi týraly kýálik;
- О́tinish berýshiniń aı saıynǵy tabysyn keminde 40 (qyryq) aılyq eseptik kórsetkish mólsherinde rastaıtyn sońǵy alty aı ishindegi tabysy týraly skanerlengen anyqtamasy;
- Qazaqstan Respýblıkasy Eńbek kodeksiniń 35-babyna sáıkes eńbek ótilin rastaıtyn skanerlengen qujattary (bıýdjettik uıymda ótildi rastaý úshin eńbek kitapshanyń skanerlengen betterin nemese ótildi rastatyn anyqtamany júkteý kerek bolady);
- Ekinshi deńgeıli bankterdiń jınaq shottaryndaǵy (depozıtterindegi) jınaqtardyń bolýy jáne nómiri týraly anyqtama jáne banktik shot boıynsha aqshanyń qaldyǵy jáne qozǵalysy týraly skanerlengen úzindi;
- О́tinish berýshiniń túrli qyzmet salalaryndaǵy jeke jetistikterin rastaıtyn skanerlengen qujattary (kásibı saladaǵy jetistikter eskerilýi qajet. Mysaly, dıplomdar, marapattar jáne basshylyqtyń alǵys hattary).
- Sońǵy 2 jyl aralyǵynda Almaty qalasy aımaǵynda tirkeý orny ózgengen jaǵdaıda, kóshi-qon organnan 2-jyldyq tirkeýdi rastaıtyn skanerlengen qujat júkteliný kerek (Polısııanyń kóshi-qon basqarmasy).
Qosymsha: О́tinish berýshiniń ózi nemese otbasynyń múshesi sozylmaly aýrýmen aýyratyn nemese 1-2 dárejeli múgedektik mártebesi bar bolǵan jaǵdaıda, oǵan qosa múgedek-balalardy tárbıleıtin otbasylar qosymsha áleýmettik mártebesin kórsetip, oǵan rastaıtyn qujattardy júkteý kerek. Konkýrs boıynsha ótken jaǵdaıda páterdi talaby boıynsha birinshi nemese ekinshi qabatta jalǵa alýǵa bolady.
О́tinish berýshi Qaǵıdalardyń 5-tarmaǵynda kózdelgen tizbege sáıkes qujattar paketin tolyq usynbaǵan jaǵdaıda, ótinish berýshige 1 (bir) jumys kúni ishinde joq qujattardy portal arqyly qosymsha usynýǵa múmkindik beriledi.
