Qaraǵandyda sheneýnikke qatysty 25 qylmystyq is qozǵaldy

Qaraǵandy oblysy boıynsha memlekettik sáýlet-qurylystyq baqylaý jáne lısenzııalaý departamentiniń bas mamany ústinen 25 qylmystyq is qozǵaldy. Bul týraly «Habar» telearnasy habarlady. Esterińizge sala ketsek, ótken jyly ,bul sheneýnik jumys ornynda para alý kezinde qolǵa túsken bolatyn. Ol sol kezde kásipkerge qurylys lısenzııasyn 500 myń teńgege satpaq bolǵan. Naqty aıtqanda, qarjy polısııasynyń qyzmetkerleri onyń zańsyz aqsha jınaǵanyn, sol qomaqty qarjyny óziniń jeke fermerlik sharýashylyǵyn damytýǵa jumsaǵanyn anyqtady. Biraq, atalǵan sharýashylyqty týysynyń atyna jazdyrypty. Jalpy, ol para alý, alaıaqtyq, laýazymyn asyra paıdalaný men kásipkerlik qyzmetke zańsyz aralasý áreketteri boıynsha qamaýǵa alyndy. «Jedel izdestirý sharasy kezinde ótken jyldyń qyrkúıek pen qazan aıy aralyǵynda Toqmyrzaevtyń jeke kásipkerlerden 2 mln.108 myń teńge alǵany málim boldy. Ol bul qarajatty tekserý qorytyndysyna oń sheshim shyǵarý úshin jáne qurylys montaj jumysyna lısenzııa berý máselesin sheshý úshin talap etken», - deıdi Qaraǵandy oblysy boıynsha qarjy polısııasynyń baspasóz hatshysy Gúljan Súleımenova. Ámirhan Almaǵanbetov. Derekkóz: «Habar» telearnasy. Foto: Tengrinews.kz.