«Aýyl sharýashylyǵy mınıstrliginiń aldyna qoıylǵan mindetterdiń biri – halyqty Qazaqstanda óndirilgen azyq-túlik taýarlarymen, eń aldymen qus eti, balyq, shujyq, súzbe men irimshik, alma jáne qantpen qamtý. Ol úshin taıaýda qabyldanǵan Ulttyq jobalar aıasynda 930-dan astam ınvestısııalyq jobany 2025 jyldyń sońyna deıin júzege asyrý kózdelgen. Onda 150-den astam taýarlyq sút fermasyn paıdalanýǵa berý qarastyrylǵan. Oǵan qosa, 19 úlken qus fabrıkasy salynady. Onyń ishinde 9 et óńdeıtin zaýyt bolady. 6,6 myń gektar qarqyndy baqty paıdalanýǵa berý de josparlanǵan», dedi mınıstr Senat otyrysy barysynda.
Onyń aıtýynsha, atalǵan jobalardy júzege asyrýǵa 4,5 trln teńge qarajat tartylady.
«Al qarastyrylyp otyrǵan 2022-2024 jyldarǵa arnalǵan 3 jyldyq bıýdjette 235 mlrd teńge kózdelgen. Bul qarajat ınvestısııalyq sýbsıdııa men nesıe jáne lızıng tólemaqysyn tómendetetin sýbsıdııa úshin qarastyrylyp otyr. Jalpy Qazaqstanda óndiriletin azyq-túlik taýarlaryn halqqa qoljetimdi qylýǵa barlyq múmkindik bar dep sanaımyz», dedi Erbol Qarashókeev.
