Osy qujat aıasynda Abaı atyndaǵy QazUPÝ-da Almaty qalasy boıynsha Adamzattyń úılesimdi damýy ulttyq ınstıtýtynyń fılıaly ashyldy.
Is-sharaǵa «Abaı atyndaǵy QazUPÝ» KeAQ dırektorlar keńesiniń tóraıymy Gúlmıra Isımbaeva, Adamnyń úılesimdi damýy ulttyq ınstıtýtynyń birinshi vıse-prezıdenti Isa Samsaev jáne ýnıversıtettiń Pedagogıka jáne psıhologııa ınstıtýtynyń ókilderi qatysty.
Memorandýmnyń maqsaty – «О́zin-ózi taný» rýhanı-adamgershilik bilim berý baǵdarlamasyn ázirleý jáne ilgeriletý, ıaǵnı ǵylymı-tanymdyq materıaldarmen, basylymdarmen jáne akademııalyq aqparattarmen almasý; sarapshylardyń pikirin eskere otyryp, rýhanı-adamgershilik bilim berý salasyndaǵy zertteýler jáne olardyń nátıjelerin tájirıbege engizý; birlesken jobalarǵa qatysý; ǵylymı-zertteý jáne ınnovasııalyq qyzmetti damytýǵa arnalǵan granttarǵa ótinimderdi daıyndaý; rýhanı-adamgershilik bilim berý salasynda áleýmettik mańyzy bar is-sharalardy ótkizý baǵyttaryn qamtıdy.
Búginde «Bóbek» UǴPBBSO – ulttyq bilim berý júıesiniń barlyq deńgeıinde rýhanı-adamgershilik qundylyqtaryn oqytý jáne tárbıeleý boıynsha «О́zin-ózi taný» baǵdarlamasyn keshendi ǵylymı-ádistemelik qamtamasyz etýdi júzege asyratyn respýblıkadaǵy birden-bir ortalyq.
«Abaı atyndaǵy QazUPÝ» KeAQ Dırektorlar keńesiniń tóraıymy Gúlmıra Isımbaeva fılıaldyń ashylýy balalarymyz ben jastarymyzdyń tulǵalyq damýyna, olardyń qabiletterin anyqtaýǵa jáne joǵary azamattyq ustanymdy qalyptastyrýǵa qyzmet etetinin atap ótti.
Darhan Bilálov yntymaqtastyqtyń mańyzdylyǵyna toqtalyp, tulǵanyń, ásirese, jastardyń damýynda ózin-ózi taný úlken ról atqaratynyn, bul stýdentterdi jańa ómirge beıimdeýdegi basty qadamdardyń biri ekenin atap ótti. «О́zin-ózi taný rýhanı órkendeýge, óskeleń urpaqtyń mádenıeti men adamgershiligin arttyrýǵa yqpal etedi. «Adamgershilik-rýhanı qundylyqtardy jańǵyrtýǵa arnalǵan «О́zin-ózi taný» tanymdyq jobasynyń avtory Sara Alpysqyzy bolashaq urpaq tárbıesinde durys baǵyt-baǵdar berdi, dep atap ótti rektor.
Elena Sákenovanyń aıtýynsha, bul baǵdarlamany júzege asyrýda jetekshi ról ustazǵa tıesili. Sondyqtan QazUPÝ elimizdiń basty pedagogıkalyq joǵary oqý orny retinde Adamnyń úılesimdi damýy ulttyq ınstıtýtynyń fılıaly bolyp tańdaldy. Atalǵan uıym basshysy fılıalǵa balabaqsha, gımnazııa jáne kolledj bazasynda stýdentterdiń pedagogıkalyq praktıkasyn ótkizýge turaqty túrde kómek kórsetilip, qajetti oqý-ádistemelik oqý quraldarymen qamtamasyz etiletinin aıtty. Osylaısha, Memorandým aıasynda Abaı ýnıversıtetinde balalar men jastardyń qoǵamda jan-jaqty úılesimdi damýyna jáne tabysty áleýmettenýine, óskeleń urpaqty shyǵarmashylyqtyń ártúrli túrlerine tartýǵa yqpal etetin áleýmettik-pedagogıkalyq qoldaý jáne jeke damý baǵdarlamalary iske asyrylatyn bolady. «О́zin-ózi taný» baǵdarlamasynyń negizi –adamgershilik-rýhanı tárbıe aspektisinde gýmanıtarlyq-pedagogıkalyq kadrlardy daıarlaý, qaıta daıarlaý jáne olardyń biliktiligin arttyrý boıynsha jumystar júrgiziletin bolady.
