Álem • 21 Qarasha, 2021

Polsha-Belarýs shekarasy jabylýy múmkin

300 ret

kórsetildi

1 mın

oqý úshin

Polsha mıgrasııalyq daǵdarysqa baılanysty Belarýspen shekarany jabatynyn joqqa shyǵarmady. Bul týraly Polsha premer-mınıstri Mateýsh Moraveskıı Tallınde Estonııa premer-mınıstri Kaıa Kallaspen kezdesýden keıin aıtty, dep habarlaıdy Egemen.kz.

Gaýhar QAPASh

Bul týraly Rıa Novostı málim etti.

Qazir Polsha tek bir ǵana «Kýznısa» avtojol beketin japty.

«Biz barǵan saıyn kúrdeli ekonomıkalyq sanksııalar sıpatyndaǵy qadamdar týraly, sonyń ishinde Polsha-Belarýs shekarasyn Polsha jaǵynan jabýdy oılaımyz», dedi Moraveskı.

«Biz bul eskalasııa qadamyn, ıaǵnı jańa ótkelderdi jabýdy, tranzıttik jáne saýda múmkindikterin jabýdy Lýkashenko rejımine ekonomıkalyq qysym kórsetý úshin paıdalanýǵa daıynbyz», dep qosty ol.

Sonymen birge, Polsha premer-mınıstri Belarýs bıligi mıgranttardy úılerine qaıtarý arqyly daǵdarysty sheshedi dep úmittenedi.

«Biz Lýkashenkoǵa (Belarýs prezıdenti Aleksandr Lýkashenko) bir qadam artqa sheginýge jáne mıgranttardy týǵan elderine qaıtarýǵa múmkindik bergimiz keledi», dedi ol.

Eske salaıyq, Belarýstiń Polsha, Lıtva jáne Latvııamen shekarasyndaǵy mıgrasııalyq daǵdarys sońǵy birneshe aptada kúrt ýshyǵyp ketti. Birikken Ulttar Uıymynyń Bosqyndar isi jónindegi Joǵarǵy komıssary basqarmasynyń (BUU BJKB) ótinishine qaramastan, polıak áskerıleri kórshi Belarýsten Polshaǵa kiretin Taıaý Shyǵys pen Aýǵanstannan zańsyz mıgranttarmen kúresý úshin tikenek symdar ornatýǵa sheshim qabyldady.