«Buqaralyq aqparat quraldarynda jáne basqa da derekkózderde «Qaırat» FK bas bapkeri Qurban Berdyevtyń jalaqysy týraly habarlama paıda boldy.
«Qaırat» fýtbol klýby bul aqparattyń shyndyqqa janaspaıtynyn resmı túrde málimdeıdi, sondaı-aq eńbek sharty talaptarynyń qupııalylyǵyna baılanysty mamannyń naqty jalaqysyn jarııalaý durys emes dep sanaıdy.
Jankúıerler men BAQ ókilderin resmı aqparatqa nazar aýdaryp, Almaty klýbynyń ımıdjine zııan keltiretin habarlamalardan alys bolýlaryn suraımyz», delingen resmı habarlamada.
Aıta keteıik, BAQ betterinde «Qaırat» bas bapkerine jylyna 600 myń dollar tóleıtini, bul Qazaqstandaǵy jattyqtyrýshylar arasyndaǵy eń joǵary jalaqy ekeni habarlanǵan bolatyn.
