Qarjy pıramıdalary qomaqty somany salýdy talap etip, qysqa ýaqyt ishinde qaıtarýǵa kepildik beredi.
Budan basqa, QR Qarjy naryǵyn retteý jáne damytý agenttiginiń azamattardan aqsha tartýǵa lısenzııasynyń bolmaýy qarjy pıramıdasynyń mańyzdy belgisi bolyp tabylady.
«Qarjylyq monıtorıng agenttiginiń Aqmola oblysy boıynsha aýmaqtyq departamentiniń qyzmetkerleri «River Coins Limited» kompanııasyna qatysty 2020 jyldyń shildesinen 2021 jyldyń mamyryna deıin aqshany zańsyz tartý deregi boıynsha sotqa deıingi tergeý-tekserýdi bastady. Tergeý kompanııada spıral qaǵıdaty boıynsha tólemder júıesi bar ekenin anyqtady. Birinshi deńgeıdegi salymshylar jańa salymshylardan túsetin jarnalardy qaıta bólý esebinen syıaqy alyp otyrǵan. «River Coins Limited» kompanııasy QR aýmaǵynda kásipkerlik qyzmet sýbektisi retinde tirkelmegen, bank operasııalaryn jasaýǵa – qarajat tartýǵa jáne syıaqy tóleýge lısenzııalary men ruqsattary joq», dep jazady agenttiktiń baspasóz qyzmeti.
Qazirgi ýaqytta atalǵan derek boıynsha tergeý amaldary júrgizilýde.
