Soltústik Qazaqstan oblysy Polısııa departamentiniń baspasóz qyzmeti málim etkendeı, ańshylar shartqa otyryp, qarýlaryn kásibı mamandardyń kúzetine ýaqytsha saqtaýǵa tapsyra alady. Sharttyń talaptary boıynsha ıesi qarýy men oq-dárilerin kez kelgen ýaqytta zańdy paıdalanýǵa alyp, keıin qaıta saqtaýǵa tapsyra alady.
«Qarýy barlarǵa úlken jaýapkershilik júktelgen. Ony saqtaýdyń da óz talaptary bar. Qarýdy tek seıfte jalǵyz ózin saqtaý qajet. Sondaı-aq dabyl ornatýy tıis. Polısııa qyzmetkerleri qarýdyń belgilengen erejelerge sáıkes saqtalýyna kóz jetkizý úshin qarý ıelerin turǵylyqty jerleri boıynsha tekserip turady. Qarýdyń ortalyqtandyrylǵan túrde saqtalýy ıelerin kóptegen keleńsiz jaıttardan saqtandyrady, qarýdyń urlanýyna, krımınaldyq ortaǵa túsýine jol bermeıdi», dedi SQO PD ákimshilik polısııa basqarmasynyń bastyǵy Serik Áljanov.
Jyl basynan beri oblysta qarý ıelerine qatysty 852 quqyq buzýshylyq anyqtaldy, onyń 568-i qarýdy saqtaý erejelerin buzýmen baılanysty.
