Búgin Bishkekte bastalǵan Qazaqstan jáne Qyrǵyzstan joǵary oqý oryndary rektorlarynyń forýmy qarsańynda Qazaq ulttyq qyzdar pedagogıkalyq ýnıversıtetiniń Basqarma tóraǵasy – Rektor Gúlmıra Qanaı I. Arabaev atyndaǵy Qyrǵyz memlekettik ýnıversıteti men A. Myrsabekov atyndaǵy Osh memlekettik pedagogıkalyq ýnıversıtetimen yntymaqtastyq memorandýmyna qol qoıdy.
Qujat akademııalyq utqyrlyq baǵdarlamasy aıasynda stýdentter, professor-oqytýshylar men ǵylymı qyzmetkerler almasýdy, bilim berý men ǵylymı baılanystardy arttyrýǵa baǵyttalǵan konferensııalar, semınarlar men jıyndardy úılestirýdi qarastyrady.
Sondaı-aq memorandýmda akademııalyq aqparattarmen, oqý-ádistemelik quraldarmen jáne materıaldarmen bólisý, ózara kelisim-sharttar negizinde basqa da akademııalyq yntymaqtastyqtar ornatý kózdelgen.
Kezdesýde Gúlmıra Qanaı joǵary oqý oryndarynyń ortaq uqsastyqtary jaıynda sóz qozǵap, taraptar túrli baǵyttaǵy qarym-qatynastardy nyǵaıtýdyń máselelerin talqylady.
О́z kezeginde I. Arabaev atyndaǵy Qyrǵyz memlekettik ýnıversıtetiniń rektory Tolobek Abdyrahmanov pen A. Myrsabekov atyndaǵy Osh memlekettik pedagogıkalyq ýnıversıtetiniń rektory Bekmýrza Zýlýev yntymaqtastyqty damytýǵa erekshe nıet bildiretinderin jetkizdi.
