Tasaraldyń ákimi top jardy

Osy baıqaýǵa qatysqan Aqtoǵaı aýdanyndaǵy Tasaral aýylynyń ákimi Nurjan Seıitov «Úzdik sha­r­­ýashy­l ákim» atalymy boıynsha je­ńim­paz atandy.

Aqtoǵaılyq ákim­niń jasy otyz­dan endi asqan. Mem­lekettik qyz­mette 2015 jyldan beri eńbek etedi. Tasaral aýyl­dyq okrý­giniń ákimi qyz­metinde júr­ge­nine bıyl tórt jyl bolypty.

Nurjan Seıitov tórt balany tárbıelep otyrǵan úlgili otbasynyń otaǵasy. Zaıyby Tasaraldaǵy mektepte muǵalim bolyp jumys isteıdi.

Tasaral aýylynyń tarıhy tereń­nen syr tartady: onyń irgesi 1929 jyly qalanǵan. Búginde aýylda 423 adam turady.

Kókshe teńizdiń jaǵasyndaǵy aıadaı aýylda 13 sharýa qojalyǵy jáne úsh jekemenshik kásiporyn jumys isteıdi, olardyń ekeýi balyq aýlaý­men aınalysady. Budan bólek, Ta­saralda naý­baıhana, shashtaraz bar.

Tasaraldyń jas ákimniń aldaǵy ýaqyttaǵy josparynda mektepte qo­sal­qy synyptarǵa arnalǵan úı-jaı­lar salý bar. Sebebi bala sany jyldan-jylǵa ósip keledi. Al bala­baqsha kelesi jyly aıqara esik ash­paqshy. Aýylda bala sany ǵana emes, turǵyndar qatary da kó­beıip keledi. Iаǵnı jańa adamdar kóship kelýde. M­unyń ózi Tasaralda tirshiliktiń qaza­ny qaınap jatqanyn ańdatsa kerek.

Sondaı-aq aýyl ákimi aldaǵy ýa­qytta jylý qazandyǵyn qaıta jańartýdy jáne birinshi kezekte kóp­balaly otbasylardyń úıin jylýǵa qosýdy qolǵa almaqshy. «Basty maq­sat – aýyl turǵyndarynyń ómirin jaqsartý», deıdi jas ákim.

Qaraǵandy oblysy,

Aqtoǵaı aýdany,

Tasaral aýyly