Úkimet basshysy eldegi epıdemıologııalyq jaǵdaı turaqty bolǵanymen, shekaralas memleketterdegi jaǵdaı bosańsýǵa bolmaıtynyn kórsetip otyrǵanyn atady.
«Jalpy epıdemıologııalyq jaǵdaı turaqty. Infeksııalyq aýrýhanalardaǵy oryndardyń qamtylýy 30 paıyzdy, al reanımasııalyq oryndardyń qamtylýy 25 paıyzdy quraıdy. «Qyzyl» aımaqta eki óńir – Pavlodar jáne Soltústik Qazaqstan oblystary qalyp otyr. «Sary» aımaqta 4 óńir, «jasyl» aımaqta 11 óńir bar», degen Asqar Mamın sanıtarııalyq talaptardy ári qaraı da jappaı saqtaý kerektigin atap ótti.
«Degenmen, vırýstyń taralýy shekaralas memleketterde óskenin eskersek, sanıtarııalyq talap sharalaryn jappaı saqtalýy tıis. Ásirese shekara mańyndaǵy óńirler epıdemıologııalyq ahýaldy turaqty baqylaýda ustaýy qajet», dedi Úkimet basshysy.
