О́ziniń Qazaqstan Respýblıkasyna issapary aıasynda Akademııaǵa arnaıy kelgen Mehmet Súreııa Er uıymnyń jańa ǵımaratymen tanysyp, Túrki mýzeıin aralap kórdi.
Mártebeli meımanmen kezdesken Túrki akademııasynyń basshysy Darhan Qydyráli TúrkPA Bas hatshysyn jańa qyzmetine kirisýimen quttyqtap, aldaǵy jumystaryna sáttilik tiledi. Sonymen qatar, ol óz sózinde búginderi Túrki akademııasy men TúrkPA arasyndaǵy yntymaqtastyq joǵary deńgeıde jolǵa qoıylǵanyna, kóptegen tabysty jobalar iske asyrylǵanyna toqtaldy. Eki qurylymnyń áriptestik baılanysy nátıjesinde túrki elderiniń materıaldyq emes murasyn qorǵaıtyn modeldik zań jobasy ázirlengenin aıtty.
О́z kezeginde TúrkPA-nyń Bas hatshysy Mehmet Sýreııa Halyqaralyq Túrki akademııasynyń túrki halyqtaryn odan ári jaqyndastyrý men yqpaldastyrý, ıntegrasııanyń tujyrymdamalyq negizderin daıyndaý, ǵylym men bilim salasyndaǵy yntymaqtastyqty jolǵa qoıý baǵyttarynda mańyzy zor uıym ekenin atap ótti.
Eki jaqty kezdesýde taraptar seriktes uıymdardyń atqaryp jatqan jumystary men bastamalary týraly pikirlesip, Túrki Akademııasy men TúrkPA Hatshylyǵy arasyndaǵy yntymaqtastyqty odan ári nyǵaıta túsý joldaryn talqylady.
Sonymen qatar uıym basshylary baýyrlas elder arasyndaǵy ǵylymı yqpaldastyqty damyta túsýge baǵyttalǵan birlesken is-sharalar ótkizýge ýaǵdalasty.
Kezdesý sońynda Darhan Qydyráli TúrkPA Bas hatshysyna Túrki akademııasy shyǵarǵan baǵaly basylymdardy tartý etti.
