Televızııalyq júlde sońǵy 30 jylda ár salada jetistikke jetken biregeı tulǵalarǵa tabystalady. Ár atalym boıynsha 5 úmitker sarapshylardan quralǵan arnaıy komıssııa sheshimimen iriktelip, daýys berýge shyǵaryldy. Teleradıokorporasııanyń resmı saıtyndaǵy jalpyhalyqtyq daýys berý 30 qarashaǵa deıin jalǵasady.
Baıqaý:
- Medısına jáne densaýlyq saqtaý salasyna qosqan úlesi úshin;
- Qoǵamdyq belsendiligi úshin;
- Mádenıet salasyna sińirgen eńbegi úshin;
- Kıno salasyna qosqan úlesi úshin;
- Sport salasyndaǵy jetistikteri úshin;
- Ǵylymnyń damýyna qosqan úlesi úshin;
- Bilim salasynyń damýyna qosqan úlesi úshin;
- Aýyl sharýashylyǵy jáne agroóndiris salasyna qosqan úlesi úshin;
- Dástúrli ónerdiń damýyna qosqan úlesi úshin;
- «Ádebıet» atalymdary boıynsha ótedi.
Ulttyq júldege úmitkerler arasynda qoǵam qaıratkeri Asyly Osman, medısına ǵylymdarynyń doktory, akademık Serik Aqsholaqov, ánshi Dımash Qudaıbergen, kıno rejısseri Aqan Sataev, kásipqoı boksshy, Beıjiń Olımpıadasynyń qola júldegeri Qanat Islam, Qazaqstannyń Eńbek Eri, bilim berý isiniń úzdigi Aıagúl Mırazova, aqyn, Memlekettik syılyqtyń laýreaty Ulyqbek Esdáýlet bar.
Daýys sany arqyly qazaqstandyqtardyń keń qoldaýyna ıe bolǵan jeńimpazdar 16 jeltoqsan Táýelsizdik kúninde ótetin arnaıy keshte marapattalady.
Úmitkerlerge daýysty osy siltemege kirý arqyly berýge bolady: https://vote.kaztrk.kz/
