Ozyq mádenıettiń úlgisi

Kórmede Qazaqstannyń qazirgi zamanǵy kórkem jáne sándik-qoldanbaly ónerine tán úrdisterdiń keń spektri usynyldy. Is-sharany ashqan Mýzeı qundylyqtaryn esepke alý jáne saqtaý qyzmetiniń basshysy Kúláısha Aqtaeva El­basy kitaphanasynyń Nur-Sultan qalasy Sýretshiler oda­ǵymen seriktestigi jas ur­paqtyń shyǵarmashylyq tájirıbesine basa kóńil bóli­ne­tin yntymaqtastyqtyń jańa kezeńin ashatynyn atap ótti. «Tuńǵysh Prezıdentimiz Nur­sultan Nazarbaev el gúlde­nýin­degi jastardyń orny men mańyzdylyǵyn únemi aıtatyn. Vernısajda usynylǵan týyndylar óner álemine al­ǵash­qy qadamyn basqan jas sý­retshilerdiń ómirge, aı­na­ladaǵy qubylystarǵa kóz­qarasyn beıneleıdi. Bul jumystarda shyǵarmashylyq iz­denistiń ınnovasııalyq tásil­deri men aǵa býynnan be­rilgen kórkemsýret dástúr­leri­niń sabaqtastyǵy ádemi saqtalǵan», dedi Q.Aqtaeva.

«Kórme aıasynda Batys Qa­zaq­stan oblystyq qazaq drama teatrynyń rejısseri Gaýhar Adaımen shyǵarmashylyq kollaborasııa quryp, túrli ıns­tal­lıasııa, performans qoıdyq. Osy oraıda kelýshilerdiń rýhanı azyq alatynyna senimimiz mol», dedi Nur-Sultan qala­sy Jastar birlestiginiń tór­aıymy, sýretshi Gúldana Jurqabaeva.

Memleket basshysy Qa­sym-Jomart Toqaev: «Ozyq má­denıeti bar ulttyń rýhy da árdaıym bıik bolmaq», degen bolatyn. Búginde Elbasy kitaphanasynyń alańynda al­ǵash ret shyǵarmashylyq erkindikti boıyna sińirgen jańa urpaqtyń janry men shyǵarmashylyq qyzy­ǵý­shy­­lyǵy jaǵynan san alýan qy­ryq jumysy usynyldy. Aıta keteıik, atalǵan kórme 10 jel­toqsanǵa deıin jalǵasady.