Aımaqtar • 26 Qarasha, 2021

Shortandydaǵy jarylys: Oblys ákimi túsinik berdi

31 ret kórsetildi

Aqmola oblysynyń ákimi Ermek Marjyqpaev Shortandy kentinde gaz ballonynyń jarylýy saldarynan qaza tapqandar men zardap shekkenderdiń otbasylaryna qandaı kómek kórsetiletinin aıtty, dep habarlaıdy Egemen.kz.

«Biz osy qaıǵyly oqıǵa týraly estigen boıda Kókshetaýdan Shortandyǵa jedel jettik. Gaz ballonynyń jarylyp, 13 adam zardap shekti. О́kinishke oraı, bes adam kóz jumdy, olardyń ishinde úsh bala bar. Zardap shekkender Nur-Sultan aýrýhanalaryna jetkizildi. Búginde alty adam medısınalyq kómek alýda», dedi Ermek Marjyqpaev Ortalyq kommýnıkasııalar qyzmetiniń kóshpeli baspasóz máslıhaty barysynda jýrnalısterdiń qoıǵan suraqtaryna jaýap berý kezinde.

О́z sózinde, aımaq basshysy jedel shtab qurylǵanyn eske saldy.

«Birinshiden, zardap shekkenderdi shuǵyl Nur-Sultandaǵy birinshi, ekinshi qalalyq aýrýhanalarǵa jatqyzý kerek boldy. Osy rette, Densaýlyq saqtaý mınıstrligine, Nur-Sultan qalasynyń ákimdigine úlken rahmet. Olar bizdiń naýqastardy jedel qabyldady. Jerleý rásimine kómek uıymdastyryldy. Sonymen qatar, bul úıde úsh páter boldy. Olardyń barlyǵy jaramsyz bolyp qaldy, biz turǵyndardy jedel qonystandyrdyq», dedi E.Marjyqpaev.

«Aýdandyq TJ jarııalandy. Biz búgin páter satyp alý úshin 30 mıllıon teńge bóldik. Shyn máninde, ballon daladan jylytý úshin úıge ákelingen jáne osy sátte jarylys boldy. Biz kórsetip otyrǵan kómekten bólek, búgin meshit tarapynan qaıyrymdylyq shoty uıymdastyrylyp, 13 mıllıon teńgeden astam qarajat jınaldy. Bul qarajat zardap shekkenderdiń emdelýi, otbasylaryna kómek kórsetýge jumsalady», dedi aımaq basshysy.

Eske sala keteıik, 16 qarashada Aqmola oblysynyń Shortandy kentinde Lıneınaıa kóshesinde gaz ballonynyń jaryldy. Oqıǵa ornynan úsh adamnyń denesi tabyldy. Ár túrli jaraqatpen on adam ortalyq aýdandyq aýrýhanaǵa jatqyzyldy. Nur-Sultanda 12 jasar bala oqıǵa saldarynan kóz jumdy.

Al, 23 qarashada gaz ballonynyń jarylysynan zardap shekken qyz qaıtys boldy. Aqmola oblysynda zardap shekkenderge kómek kórsetý jónindegi shtab quryldy.

Sońǵy jańalyqtar

Almaty ortalyǵynda ǵımarat órtendi

Aımaqtar • Búgin, 21:54

Atyraýda birqatar sheneýnik jazalandy

Aımaqtar • Búgin, 19:55

Dıllıan Ýaıt qaharyna mindi

Kásipqoı boks • Búgin, 19:10

Alvaresti Andrademen kezdespegeni úshin aıyptady

Kásipqoı boks • Búgin, 18:05

Sıngapýrdyń sońǵy aýyly

Álem • Búgin, 17:55

Ahmet Baıtursynulyna eskertkish ornatylady

Rýhanııat • Búgin, 17:20

Petr Iаn úzdikter qataryna endi

Jekpe-jek • Búgin, 16:05

Uqsas jańalyqtar