Ekologııa • 27 Qarasha, 2021

Qyzylorda oblysynda 2 sý qoımasyn salýǵa qarjy bólinedi

367 ret kórsetildi

Qyzylorda oblysynda Qaraózek jáne Kúmisketken sý qoımalaryn salýǵa qomaqty qarjy bólinedi. Bul týraly Senat depýtattarynyń saýalyna QR Premer-Mınıstri Asqar Mamınniń jaýabynda aıtylǵan, dep habarlaıdy Egemen.kz.

«Qyzylorda oblysynyń sý sharýashylyǵy obektilerine 2022 jyly respýblıkalyq bıýdjetten qarjy bólý jónindegi depýtattyq saýaldaryńyzdy qarap, mynany habarlaımyn. Qaraózek jáne Kúmisketken sý qoımalaryn salýǵa «2022-2024 jyldarǵa arnalǵan respýblıkalyq bıýdjet týraly» Qazaqstan Respýblıkasy Zańynyń jobasy aıasynda 3,86 mlrd teńge, onyń ishinde 2023 jylǵa 1 mlrd teńge jáne 2024 jylǵa 2,86 mlrd teńge kózdelgen. 2022 jyly Kúmisketken sý qoımasynyń jobalaý-smetalyq qujattamasyn ázirleýdi aıaqtaý úshin 56 mln teńge jáne Qaraózek sý qoımasynyń qurylys jumystaryn bastaý úshin 500 mln teńge bólý máseleleri 2022 jylǵa arnalǵan respýblıkalyq bıýdjetti naqtylaý sheńberinde qarastyrylatyn bolady», dedi Úkimet basshysy óz jaýabynda.

Premer-Mınıstrdiń atap ótýinshe, Jańaqorǵan aýdanynyń 30 myń gektar sýarmaly egistik jerlerin sýmen qamtamasyz etý maqsatynda Ekologııa, geologııa jáne tabıǵı resýrstar mınıstrligi Sý resýrstary komıtetiniń baǵynysyndaǵy jobalaý uıymy («Qazsýshar» respýblıkalyq memlekettik kásipornynyń Qyzylorda fılıaly) Syrdarııa ózeninde sý tospasynyń qurylysyn birneshe konstrýktıvti jobalyq sheshimderimen salý máselesin jan-jaqty qarastyryp, tıisti jobalaý-izdestirý jumystaryn júrgizdi.

«Aldyn ala esepteýler boıynsha Syrdarııa ózeninde sý tospa qurylysynyń quny 12-35 mlrd teńge aralyǵynda quraıtyn bolady. Ekonomıkalyq tıimdi nusqa retinde úrlemeli sý tospasyn salý qarastyrylýda, aldyn ala esep boıynsha onyń quny 14,6 mlrd teńgeni quraıdy. Syrdarııa ózeninde sý tospasyn salý máselesi Qazaqstan Respýblıkasynyń zańnamasynda kózdelgen tártippen (memlekettik ınvestısııalyq usynys ázirleý jáne oǵan ekonomıkalyq qorytyndy alý, tehnıkalyq-ekonomıkalyq negizdeme jáne jobalaý-smetalyq qujattama ázirleý) iske asyrylatyn bolady. Jalpy Qyzylorda oblysynyń sý sharýashylyǵy máselesi Qazaqstan Respýblıkasy Úkimetiniń turaqty baqylaýynda», dep atap ótti Asqar Mamın.

Sońǵy jańalyqtar

Ana tilinde oqýdan nege qashady?

Bilim • Búgin, 00:05

Abaı murasy asqaqtady

Abaı • Búgin, 00:04

Ulttyq mereke

Abaı • Búgin, 00:02

Et máselesine ep kerek

Ekonomıka • Búgin, 00:01

Jedel járdem nege keshigedi?

Medısına • Keshe

Ult ustazy jáne Batpaqty mektebi

Ahmet Baıtursynuly • Keshe

Jaýynger jyr

Tanym • Keshe

Talant pen taǵdyr

О́ner • Keshe

Shıpaly sýlar shejiresi

Aımaqtar • Keshe

Tańbaly tanymy

Tanym • Keshe

Sırk

О́ner • Keshe

Uqsas jańalyqtar