Is-shara Túrkııa úshin sımvoldyq máni bar Ankaradan shyǵysqa qaraı 80 shaqyrym jerdegi Kyrykkale ólkesinde uıymdastyryldy. Sebebi dál osy jerde Túrkııanyń 43 ólkesin toǵystyratyn jol ótedi. Baıraktepe qyratynan qashyqta jelbirep turǵan eldiń úlken týy anyq kórinedi.
Fleshmobty Túrkistan qalasynyń qurmetti azamaty, Qoja Ahmet Iаssaýı atyndaǵy Halyqaralyq qazaq-túrik ýnıversıtetiniń túlegi doktor Fatma Senmez uıydastyrdy. Oǵan jergilikti memlekettik jáne atqarýshy organdar, túrik jastary, eriktiler jáne Qazaqstandy jaqsy kóretin jergilikti turǵyndar kómek kórsetti.
Sońǵy 27 jyl boıy Fatma Senmez elimizdi Túrkııada tanytýǵa zor úles qosyp keledi. Ol osy ýaqytqa keıin Qazaqstanmen tikeleı baılanysty 530 is-shara uıymdastyrǵan.
«530 sanyna týra kelgen osynaý is-sharany Qazaqstan Táýelsizdiginiń 30 jyldyq mereıtoıyna oraı ádeıi uıymdastyrdym. Kezinde rýhanı astanamyz Túrkistanda bilim alǵanymdy maqtan tutamyn. Sol kezde túrki áleminiń negizin qalaýshy Elbasymyzdy alǵash ret kórgen edim. Búgingi is-shara sol kisiniń de qurmetine arnalady. О́ıtkeni, kóshbasshymyz ári túrki áleminiń aqsaqaly N.Nazarbaev tek qazaq halqynyń ǵana emes sonymen birge búkil túrki áleminiń ıgiligi úshin eńbek etip júr», dedi ol.
