Oqıǵa 28 qarasha kúni saǵat 17:32-de tirkeldi. Aqtóbe qalasyndaǵy №7 garaj kooperatıvine tıesili garajdardyń birinde «VAZ-21099» avtokóliginen 50 jastaǵy er adam men 49 jastaǵy áıeldiń denesi tabyldy. Múrdeden zorlyq-zombylyq belgileri anyqtalmady.
«Boljam boıynsha olar gazdan ýlanyp, kóz jumǵan. Sot-medısınalyq saraptama taǵaıyndaldy. Gaz nemese kómirtegi totyǵy (CO) qaýipti. Onyń túsi de, dámi de, ıisi de joq bolǵandyqtan alǵashynda aıtarlyqtaı áseri bolmaıdy. Ishki organızmge engen ýaqytta adam ýlana bastaıdy», dep habarlady oblystyq PD baspasóz qyzmetiniń jetekshisi Erbolat Sarqulov.
