BIZ SIZDI UMYTPAIMYZ, ÁKE!

Jyl saıyn 9 mamyrda men ákem Qaıyrbek Baımaǵambetovti maqtanyshpen eske alamyn. Ol óte sypaıy adam bolǵan. So­ǵystaǵy ómiri týraly kóp aıt­paı­tyn, eshqashanda maqtanbaıtyn. Jeńistiń 65 jyldyǵy qarsa­ńyn­da 5 bala ósirgen, 3-shi Karelııa, 2-shi Ýkraına, sosyn Qıyr Shy­ǵys maıdandarynda ofıser bo­lyp qyzmet etken ákemniń dú­nıe­den qaıtqanyna 20 jyl bo­lady. Sondyqtan ol kisi týraly kishkene estelik aıtqym keledi. Áskerge ákemiz Almatydaǵy zooveterınarlyq ınstıtýtyn úzdik belgimen bitirip 1940 jyly aspırantýrada oqyp júrgende ketipti. Qyzmetin ol kisi Karelııa maıdanynyń aq fındermen kúresip jatqan 7-shi armııasyndaǵy 27-shi dıvızııasynan bas­taǵan. Sodan soń 1941 jyly Uly Otan soǵy­sy bastalyp, Lenın­grad baǵytynda shaı­qasqan. 1944 jyldyń qyr­­kúıek aıynan bastap ákem 2-shi Ýk­raına maıda­nyndaǵy 5-shi Don kavale­rııa­lyq korpýsy qura­mynda nemisterden Býdapesht qalasyn bosatýǵa ki­risti. Osy áskerı qurylymmen ol kisi Vengrııa, Rýmynııa, Iýgoslavııa jáne Avs­trııa elderin azat etýge qatysty. Je­ńisti Ve­nada qarsy alǵan. So­ǵystaǵy er­ligi kóptegen orden-medaldarmen atap ótilgen. Maıdannan kel­gen­nen keıin ákem Qa­zaq­stannyń aýyl sha­rýa­shylyǵynyń da­mýyna óte kóp kúsh jumsady. Semeı ob­ly­syndaǵy Aıa­góz aýdanynyń “Qarakól” sov­hozy men sov­hozdardyń oblys­tyq tre­siniń dırektory, Taldy­qor­ǵan ob­lysyndaǵy Aqsý jáne Sar­qant aýdandyq aýyl sharýa­shy­lyǵy basqarma­la­rynyń bas­tyǵy jáne Panfılov aýdandyq atqarý komıtetiniń tóraǵasy boldy. Jurtshy­lyq­tyń ystyq iltıpa­tyna bólendi. Osyndaı abzal jandy 9 mamyr – Jeńis kúni saǵynyshpen eske alamyn. Biz sizdi umytqanymyz joq, áke! S.BAIMAǴAMBETOVA, S.Seıfýllın atyndaǵy Qazaq agrarlyq ýnıversıtetiniń oqytýshysy. ASTANA.