Qazaqstan Respýblıkasy Qorshaǵan orta jáne sý resýrstary mınıstrliginiń buıryǵy №368-О́

2013 jylǵy 29 qarasha               Astan qalasy Qazaqstan Respýblıkasy Qorshaǵan orta jáne sý resýrstary mınıstrliginiń memlekettik qyzmetshiler qyzmet etıkasynyń qaǵıdalaryn bekitý týraly «Qazaqstan Respýblıkasy memlekettik qyzmetshileriniń Ar-namys kodek­si týraly» Qazaqstan Respýblıkasy Prezıdentiniń 2005 jylǵy 3 ma­myr­­daǵy № 1567 Jarlyǵyna ózgerister engizý týraly» Qazaqstan Respýb­lıkasy Prezıdentiniń 2013 jylǵy 1 qazandaǵy № 651 Jarlyǵynyń 2-tarmaǵyna sáıkes buıyramyn: 1. Qazaqstan Respýblıkasy Qorshaǵan orta jáne sý resýrstary mınıs­trliginiń memlekettik qyzmetshiler qyzmet etıkasynyń qaǵıdalary bekitilsin. 2. Qazaqstan Respýblıkasy Qorshaǵan orta jáne sý resýrstary mınıstrliginiń memlekettik qyzmetshileri ózderiniń qyzmettik mindetterin oryndaý kezinde osy Qaǵıdalardy basshylyqqa alsyn. 3. Ákimshilik-kadrlyq jumys departamenti: 1) osy buıryqty memlekettik tirkeýdi; 2) osy buıryqty memlekettik tirkeýden keıin ony resmı jarııalaýdy; 3) osy buıryqty Qazaqstan Respýblıkasy Qorshaǵan orta jáne sý re­sýrs­­tary mınıstrliginiń resmı Internet-resýrsynda ornalastyrýdy qam­tamasyz etsin. 4. Osy buıryqtyń oryndalýyn baqylaý Qazaqstan Respýblıkasy Qorshaǵan orta jáne sý resýrstary mınıstrliginiń jaýapty hatshysy A.G.Dernovoıǵa júktelsin. 5. Osy buıryq onyń alǵash ret resmı jarııalanǵan kúninen bastap on kún ótkennen keıin qoldanysqa engiziledi. Mınıstr             N.QAPPAROV. Qazaqstan Respýblıkasy Qorshaǵan orta jáne sý resýrstary mınıstriniń  2013 jylǵy 29 qarashadaǵy №368-ó buıryǵymen bekitilgen Qazaqstan Respýblıkasy Qorshaǵan orta jáne sý resýrstary mınıstrliginiń memlekettik qyzmetshiler qyzmet etıkasynyń qaǵıdalary I. Jalpy erejeler 1. Osy Qazaqstan Respýblıkasy Qorshaǵan orta jáne sý resýrstary qorǵaý mınıstrliginiń memlekettik qyzmetshiler qyzmet etıkasynyń qaǵıda­lary (budan ári – Qaǵıdalar) Qazaqstan Respýblıkasynyń 1999 jylǵy 23 shildedegi № 453-I «Memlekettik qyzmet týraly» Zańyna, Qazaqstan Respýblıkasynyń 1998 jylǵy 2 shildedegi № 267-I «Sybaılas jemqorlyq­qa qarsy kúres týraly» Zańyna, Qazaqstan Respýblıkasy Prezıdentiniń 2005 jylǵy 3 mamyrdaǵy № 1567 «Qazaqstan Respýblıkasy memlekettik qyzmetshileriniń ar-namys kodeksi týraly» Jarlyǵyna (budan ári – Kodeks) sáıkes ázirlengen. 2. Qaǵıdalar Qazaqstan Respýblıkasy Qorshaǵan orta jáne sý resýrstary mınıstrligi (budan ári – Mınıstrlik), onyń vedomstvolary jáne vedomstvolarynyń aýmaqtyq organdary memlekettik qyzmetshileriniń minez-qulqynyń negizgi standarttaryn belgileıdi. 3. Mınıstrliktiń memlekettik qyzmetshileri: 1) zańdylyq qaǵıdasyn, Qazaqstan Respýblıkasy Konstıtýsııasynyń, zańdary men ózge de normatıvtik quqyqtyq aktileriniń talaptaryn basshylyqqa alýǵa; 2) Tegine, áleýmettik, laýazymdyq jáne múliktik jaǵdaıyna, jynysyna, násiline, ultyna, tiline, dinge kózqarasyna, nanymyna, turǵylyqty jerine baılanysty nemese kez kelgen ózge jaǵdaıattarǵa qaramastan adamnyń jáne azamattyń ar-namysyn qurmetteýge; 3) Qazaqstan halqynyń birligi men eldegi ultaralyq kelisimdi nyǵaıtýǵa yqpal etýge, memlekettik tilge jáne basqa tilderge, Qazaqstan halqynyń salt-dástúrlerine qurmetpen qaraýǵa; 4) adal, ádil, qarapaıym bolýǵa, jalpy qabyldanǵan moraldyq-etıkalyq normalardy saqtaýǵa, azamattarmen jáne áriptesterimen qarym-qatynasta sypaıylyq pen ádeptilik tanytýǵa; 5) laýazymdyq mindetterin atqarý kezinde basqa tulǵalarǵa shydamdylyq, sypaıylyq jáne qurmet kórsetýge; 6) strategııalyq maqsattar men mindetterge qol jetkizýde ujymda yntymaqtastyqty ornatýǵa yqpal etýge; 7) memlekettik menshiktiń saqtalýyn qamtamasyz etýge, ózine senip tapsyrylǵan memlekettik menshikti, avtokólik quraldaryn qosa alǵanda, utymdy ári tıimdi jáne tek qyzmettik maqsatta paıdalanýǵa; 8) óziniń is-áreketterimen qoǵam tarapynan negizdi synǵa sebepker bolmaýǵa, synaǵany úshin qýdalaýǵa jol bermeýge, oryndy syndy kemshilikterdi joıý men óziniń qyzmetin jaqsartý úshin paıdalanýǵa; 9) laýazymdyq mindetterin tıimdi atqarý úshin kásibı deńgeıin jáne biliktiligin arttyrýǵa; 10) qyzmettik sýbordınasııany saqtaýǵa; 11) jumys ýaqytyn utymdy paıdalanýǵa jáne basqa memlekettik qyzmetshilerge ujymda ózderiniń qyzmettik mindettemelerin oryndaýǵa kedergi keltiretin áreketterden aýlaq bolýǵa; 12) óziniń qyzmettik mindetterin adal, týrashyl jáne sapaly atqarýǵa; 13) adal bolýǵa, óziniń kásibı qyzmetine eshkimniń, onyń ishinde týystarynyń, dostarynyń jáne tanystarynyń, áser etýine jol bermeýge; 14) Qazaqstan Respýblıkasynyń memlekettik rámizderin syılaýǵa jáne qurmetteýge; 15) múddeler qaqtyǵysynyń aldyn alýǵa jáne ony retteý sharalaryn qoldanýǵa; 16) ózderiniń fýnksııalary men mindetterin oryndaý kezindegi memlekettik qyzmetshilerdiń bastamashylyǵyn qoldaýǵa; 17) qaramaǵyndaǵy qyzmetshilerdiń atqaratyn laýazymyna sáıkes mindetteri men qyzmettik ókilettikterin naqty anyqtaýǵa, olardan naqty oryndaý múmkin emes jarlyqtardy bermeýge; 18) osy Qaǵıdat talaptaryn buzý faktilerine qaǵıdatty áser etýge, kinálilerdiń jaýapkershiligimen qatar, óziniń jeke jaýapkershiligi týraly máseleni qatar qoıýǵa daıyn bolýǵa tıis. 4. Mınıstrliktiń memlekettik qyzmetshisi Kodekspen belgilengen sybaılas jemqorlyqqa qarsy minez-qulyqty saqtaýy tıis. Mınıstrliktiń memlekettik qyzmetshileri, eger sybaılas jemqorlyq quqyq buzýshylyqpen nemese olardyń óz qyzmettik mindetterin oryndaý barysynda sybaılas jemqorlyqqa jaǵdaı týdyrýmen baılanysty quqyq buzýshylyqtar týraly anyq aqparaty bolsa, memlekettik qyzmet salasy jáne sybaılas jemqorlyqqa qarsy kúres týraly zańnamamen belgilengen sharalardy qabyldaýy qajet. 5. Mınıstrliktiń memlekettik qyzmetshileri memlekettik saıasat jáne qyzmettik isiniń máseleleri jónindegi óz pikirin, eger ol: 1) memleket saıasatynyń negizgi baǵyttaryna sáıkes kelmese; 2) jarııalaýǵa ruqsat etilmegen qyzmettik aqparatty ashatyn bolsa; 3) memlekettiń laýazymdy tulǵalarynyń, memlekettik basqarý organdarynyń, basqa da memlekettik qyzmetshilerdiń atyna ádepke saı emes sózder aıtýdan tursa, kópshilik aldynda bildirýine bolmaıdy. Mınıstrliktiń memlekettik qyzmetshileri qyzmetten tys ýaqytta: 1) jalpy qabyldanǵan moraldyq-etıkalyq normalardy ustanýǵa, qoǵamǵa jat minez-qulyq jaǵdaılaryna jol bermeýge; 2) qoǵam tarapynan negizdi synǵa sebep týǵyzatyn is-áreketterge jol bermeýge, ózderiniń bedeline nuqsan keltiretin qylyqtardan aýlaq bolýǵa; 3) Mınıstrlik qyzmetshisiniń joǵary ataǵynyń abyroıyn tómendetetin kez kelgen jeke baılanystardan bas tartýy tıis. 6. Osy Qaǵıdattarmen kózdelgen talaptardy oryndamaǵany nemese buzǵany Mınıstrliktiń memlekettik qyzmetshileri Qazaqstan Respýblıka­synyń zańnamalarymen belgilengen tártipte jaýapkershilikke tartylady. Buıryq Qazaqstan Respýblıkasynyń Ádilet mınıstrliginde 2013 jylǵy 30 jeltoqsanda Normatıvtik quqyqtyq kesimderdi memleket­tik tirkeýdiń tizilimine №9050 bolyp engizildi.