Egemen Qazaqstan • 01 Jeltoqsan, 2021

Eki júlde – «egemendikterde»

67 ret kórsetildi

Qazaqstan Jazýshylar odaǵy uıymdastyrǵan Ádebı jyl qorytyndysy aıasynda Halyqaralyq «Alash» ádebı syılyǵy tapsyryldy. Poezııa janry boıynsha syılyqty «Armantaý» poezııalyq kitaby úshin «Egemen Qazaqstan» gazetiniń Batys Qazaqstan oblysy boıynsha menshikti tilshisi Qazbek Quttymuratuly ıelendi.

Sondaı-aq atalǵan syılyq Ba­lalar ádebıeti boıynsha Dildar Ma­myrbaevaǵa («Bala. Robot. Vırýs» atty balalarǵa arnalǵan kita­by úshin), Per­nebaı Dúısenbınge («Jum­baq juldyz sáýlesi», «Bal dáý­­renniń bultsyz as­pany» atty 2 tom shyǵarmalar jı­naǵy úshin), Poezııa janry boıynsha Svetqalı Nurjanǵa («Juldyzdardyń jupary» poezııalyq kitaby úshin), Sa­byr Adaıǵa («Názıra» poezııalyq kitaby úshin), Qýat Qaıranbaevqa («Kóńildiń qońyraýy» poezııalyq kitaby úshin), Pr­oza janry boıynsha Qultóleý Muqashqa («Salbýryn» prozalyq kitaby úshin), Dıdar Amantaıǵa («Borhestiń kitaby» shyǵarmalar jınaǵy úshin), Tur­synhan Zekenulyna («Attıla» tarıhı romany úshin) tapsyryldy.

Sonymen qatar Táýelsizdiktiń 30 jyldyq mereıtoıy aıasynda «Táýelsiz eldiń tili» taqyrybynda Qazaqstan Respýblıkasy Bilim jáne ǵylym mı­nıstr­liginiń Til saıasaty komıteti uıym­­­das­tyrǵan «Memlekettik til jáne BAQ» konkýrsy máresine jetip, «Úzdik maqala» nomınasııasy boıynsha 3-oryndy «Aıqyn» gazetiniń tilshisi Abylaıhan Jumash, 2-oryndy «Egemen Qazaqstan» gazetiniń jýr­nalısi Dýman Anash, al 1-oryndy «Soltústik Qazaqstan» gaze­tiniń tilshisi Aqmaral Esdáýletova ıe­lendi. Aıta keteıik, «Memlekettik til jáne BAQ» respýblıkalyq konkýrsyna tórt nomınasııa boıynsha 131 jýrnalıs­ten 300-ge jýyq materıal kelip túsken. Bas júlde «Túrkistan» gazetiniń tilshisi Álııa Tileýjanqyzyna berildi.

Sońǵy jańalyqtar

«Kanelony» jeńýdiń jalǵyz joly aıtyldy

Kásipqoı boks • Búgin, 18:00

Qazaqstandyq olımpıadashylar Beıjińge jetti

Fotogalereıa • Búgin, 17:20

Ýtıl alymy ýaqytsha toqtatyldy

Ekonomıka • Búgin, 12:51

Elordada avtokólik aýdarylyp qaldy

Elorda • Búgin, 12:18

Uqsas jańalyqtar