Qoǵam • 01 Jeltoqsan, 2021

Máýlen Áshimbaev QR Tuńǵysh Prezıdent kúnimen quttyqtady

25 ret kórsetildi

Parlament Senatynyń Tóraǵasy Máýlen Áshimbaev feısbýk áleýmettik jelisinde Qazaqstan Respýblıkasynyń Tuńǵysh Prezıdenti kúnimen quttyqtady, dep jazady Egemen.kz.

«Qurmetti dostar!

Barshańyzdy Qazaqstan Respýblıkasynyń Tuńǵysh Prezıdenti kúnimen shyn júrekten quttyqtaımyn!

Birinshi jeltoqsan – bizder úshin ult bolyp uıysqan, jurt bolyp jumylǵan kún. Osydan týra 30 jyl buryn Qazaqstan halqy tarıhı tańdaýyn jasap, óziniń Tuńǵysh Prezıdentin saılady. El taǵdyry Elbasy Nursultan Ábishuly Nazarbaevqa senip tapsyryldy. Bul táýelsizdik jolyndaǵy asa mańyzdy qadam ekeni sózsiz.

Sodan beri elimiz Táýelsiz memleket retinde tolyq qalyptasyp, saıası, ekonomıkalyq, áleýmettik jáne rýhanı baǵytta tolaıym tabysqa qol jetkizdi. Shekaramyz shegendeldi, birligimiz bekemdeldi, tól qundylyqtarymyz tórge ozdy. Osy jolda kezdesken syn-qaterlerden de súrinbeı óte bildik.

Barlyq máselede beıbitshilik pen kelisimge taban tireı otyryp, halyqaralyq abyroı-bedelge ıe boldyq. Arqa tósine jańa elordamyzdy salý arqyly eldik pen egemendiktiń irgesin bekite tústik. Tutas túrki dúnıesi úshin qasterli Túrkistan shaharyn qaıta túletip, ulttyq biregeıligimizdi nyǵaıtýdyń jańa kezeńine kóterildik.

Munyń bári Elbasymyzdyń erik-jigeri men qajyr-qaıratynyń arqasynda iske asyryldy. Shyn máninde, Nursultan Ábishulynyń táýekelshildigi men tabandylyǵy, kóregendigi men parasattylyǵy qazaq halqynyń dáýirleý kezeńine jol ashty. Sonyń nátıjesinde Qazaqstan órleý men órkendeýdiń ózindik úlgisin qalyptastyrdy.

Osyndaı uly jetistikterge bastaý bolǵan kúnniń jalpyulttyq merekege aınalýy zańdy qubylys. Bul – eń aldymen, Elbasymyzdyń memlekettilikti qalyptastyrý jolyndaǵy eren eńbegine kórsetilgen erekshe qurmet. Al, Elbasyna qurmet – Táýelsizdigimizge jasalǵan taǵzym.

Qazirgi býyn, ásirese, óskeleń urpaq Táýelsizdiktiń qadirin tereń sezinýi úshin búgingi merekeniń mańyzy zor. Sol sebepti, aldaǵy ýaqytta Tuńǵysh Prezıdent kúniniń máni arta beretini anyq.

Barshańyzdy merekemen quttyqtaı otyryp, ár shańyraqqa shattyq pen qýanysh tileımin! Elimiz ben Elbasymyz aman bolsyn! Táýelsiz Qazaq Eli máńgi jasaı bersin», delingen Senat tóraǵasynyń quttyqtaýynda.

 

Sońǵy jańalyqtar

Ýtıl alymy ýaqytsha toqtatyldy

Ekonomıka • Búgin, 12:51

Elordada avtokólik aýdarylyp qaldy

Elorda • Búgin, 12:18

Dennı Dıgnam Jánibekpen jekpe-jekke daıyn

Kásipqoı boks • Búgin, 11:43

Dollar baǵasy arzandady

Ekonomıka • Búgin, 11:32

WBO Andradeni qorǵaýǵa kóshti

Kásipqoı boks • Búgin, 09:55

Uqsas jańalyqtar