Bıatlonshy Vıshnevskaıa álem chempıonatynda kúmis medal aldy

Qazaqstandyq Galına Vıshnevskaıa AQSh-tyń Presk Aıl qalasynda bıatlonnan 7,5 shaqyrymǵa júgirýden ótken jasóspirim qyzdar arasyndaǵy álem chempıonatynda kúmis medal jeńip aldy. Bul týraly Ras.kz habarlady. Sochıde bolyp ótken Qysqy Olımpııalyq oıyndarǵa qatysqan Vıshnevskaıa márege bul joly birinshi oryn alǵan reseılik Evgenııa Pavlovadan bar-joǵy 0,3 sekýnd qana qalyp keldi. Chempıonatta odan basqa qazaqstandyqtar Anastasııa Kondrateva – 19-shy, Aleksandra Sasına – 38-shi, Valentına Saýlenko 44-shi orynǵa ornalasty. Jarysqa barlyǵy 47 bıatlonshy qatysqan bolatyn. Jasóspirim jigitter arasynda dál osyndaı qashyqtyqqa júgirýde amerıkalyq Shon Doertı birinshi orynǵa kóterildi. Jalpy aıtqanda, qazaqstandyqtar arasyndaǵy úzdigi Roman Eremın jeńimpazdan 38 sekýnd qalyp, kómbe syzyǵyn jetinshi bolyp qıyp ótti. Kelesi jerlesimiz Vladıslav Vıtenko – 10-shy, Andreı Larıonov – 12-shi, al Vladıslav Mıropolskıı 36-shy boldy. Ámirhan Almaǵanbetov. Derekkóz: Ras.kz. Foto: Ras.kz.