QR Premer-Mınıstri Asqar Mamın qazaqstandyqtardy Qazaqstan Respýblıkasynyń Tuńǵysh Prezıdenti kúnimen quttyqtady.
«Qurmetti qazaqstandyqtar, sizderdi Tuńǵysh Prezıdent kúnimen quttyqtaımyn!
Táýelsizdiktiń 30 jylynda QR Tuńǵysh Prezıdenti – Elbasy Nursultan Ábishuly Nazarbaevtyń bastamasymen áleýmettik-ekonomıkalyq jáne qoǵamdyq-saıası reformalardyń ýaqytyly ári tıimdi júzege asyrylýynyń arqasynda Qazaqstan óziniń damý jolynda eleýli serpilis jasady.
Búgingi tańda Qazaqstan – ekonomıkasy qýatty, Konstıtýsııasy ozyq, tıimdi bılik ınstıtýttary bar, memlekettik shekarasy tolyqtaı halyqaralyq turǵyda resimdelgen ornyqty jáne progressıvti memleket retinde qalyptasty dep nyq senimmen aıtýǵa bolady.
Aımaqtyń zamanaýı ekonomıkalyq, áleýmettik jáne mádenı ortalyǵyna aınalǵan Nur-Sultan qalasy boı kóterdi.
Elbasy ekonomıkanyń odan ári turaqty ósýin qamtamasyz etýge jáne halyqtyń turmys sapasyn arttyrýǵa jol ashatyn Qazaqstan damýynyń jańa kezeńiniń irgetasyn qalap, strategııalyq baǵytyn aıqyndady.
Barlyq qazaqstandyqqa zor densaýlyq, tatýlyq pen amandyq tileımin», delingen Úkimet basshysynyń quttyqtaýynda.
