Aımaqtar • 01 Jeltoqsan, 2021

Ál-Farabı atyndaǵy QazUÝ stýdentteri kásipker atandy

47 ret kórsetildi

Táýelsizdiktiń 30 jyldyǵy men Tuńǵysh Prezıdenti kúnine oraı ál-Farabı atyndaǵy Qazaq ulttyq ýnıversıtetinde jas kásipkerler forýmy ótti, dep jazady Egemen.kz.

QazUÝ men TAN Media Group uıymdastyrǵan forýmǵa Nurlan Smaǵulov, Armanjan Baıtasov, Asylbek Qojahmetov, Qaırat Májibaev, Gaýhar Qapparova, Nurjan Jańabekov jáne basqa da kóptegen tanymal kásipkerler qatysyp, sóz sóıledi. 

Ál-Farabı atyndaǵy QazUÝ-dyń Basqarma tóraǵasy – rektor Janseıit Túımebaev jınalǵandardy forýmnyń ashylýymen quttyqtap, mańyzdylyǵyna toqtaldy. О́z sózinde ýnıversıtet basshysy jas býyndy kásipkerlikke baýlý, el ekonomıkasyn damytý úshin ózekti ekenin jetkizdi.

«Tuńǵysh Prezıdentimiz – Elbasy Nursultan Nazarbaev qyzmetine kirisken alǵashqy jyldary «aldymen – ekonomıka, sodan soń – saıasat» qaǵıdasyn ustandy. Bul óz kezeginde elimizdiń naryqtyq ekonomıkaǵa kóshýine, kásipkerlikti damytýǵa, el eńsesin kóterýge jol ashty. Qazaqstan ekonomıkasynyń táýelsizdik jyldary baǵyndyrǵan beles, alǵan asýynda kásipkerliktiń úlesi zor. Qazirgi tańda bizdiń elimizde jas bıznesmenderge jan-jaqty qoldaý kórsetilip keledi. Máselen, QazUÝ-da Ekonomıka jáne bıznes joǵary mektebi jumys isteıdi. Jyl saıyn osy jerden 500 bakalavr, magıstr jáne PhD doktorlary oqýlaryn tamamdap shyǵady. Búgingi ótip jatqan forýmnyń jas mamandar úshin bereri mol dep esepteımin», dep atap ótti Janseıit Túımebaev.

Forým aıasynda sóz sóılegen kásipkerlerdiń kópshiligi Qazaq ulttyq ýnıversıtetiniń túlekteri. Solardyń biri – «Muzzone» mýzykalyq telearnasynyń jáne «TAN Media Group» JShS basshysy, ál-Farabı atyndaǵy QazUÝ Dırektorlar keńesiniń múshesi Armanjan Baıtasov. Ol ýnıversıtet qabyrǵasynda oqyp júrip-aq kásipkerlikpen aınalysqanyn aıtady.

«QazUÝ – bizdiń alma materimiz. Búgingi jıynǵa qatysýshylardyń kóbi stýdent kezinde bilim men bıznesti qatar alyp júrgender. 90-jyldary óte qıyn boldy. Soǵan qaramastan, bızneske degen qyzyǵýshylyǵymyzdyń arqasynda osyndaı jetistikke jettik. Al qazirgi jastardyń kásippen aınalysýyna barlyq múmkindikter qarastyrylǵan. Tek kitap oqyp, oı óristerin jetildirýi qajet», deıdi ýnıversıtet túlegi.

Sondaı-aq forýmda sóz sóılegen qazaqstandyq bıznesmen jáne qoǵam qaıratkeri, RG Brands jáne Resmi Group negizin qalaýshy Qaırat Májibaev sapaly bilim berýdiń mańyzdylyǵyna toqtaldy. Ol óz kezeginde bilimdi kásipker mol tabysqa jetetinin aıtty. Sol sebepten ol jastardy bıznes bastaýda qoryqpaýǵa shaqyrdy.

Spıkerler paıdaly aqparatpen bólisip qana qoımaı, qatysýshylardyń suraqtaryna jaýap berdi.

Is-shara barysynda Ál-Farabı atyndaǵy QazUÝ men «TAN Media Group» JShS yntymaqtastyq týraly memorandýmǵa qol qoıdy.

Sonymen qatar forým aıasynda eki apta buryn uıymdastyrylǵan «Media café» baıqaýynyń qorytyndysy jarııalandy. Saıysta úsh adamnan quralǵan top, ıaǵnı Nursultan Ońdasynov, Ásem Erlanova, Dinaman Serikqan ózderiniń kreatıvti jobalaryn usynyp, bir jyl kofehanany basqarý grantyn jeńip aldy. Forým uıymdastyrýshylary ýnıversıtet aýmaǵynda kofehananyń qurylýyn tolyq qarjylandyrady. Oǵan barlyq qajetti jabdyqtarmen qamtamasyz etý, oqytý kiredi.

Osylaısha ýnıversıtet qabyrǵasynda alǵash ret ótken forýmǵa qatysa otyryp, stýdentter paıdaly aqparat aldy.

Sońǵy jańalyqtar

Amanatqa adaldyq

Ádebıet • Keshe

Jantórın jańalyǵy

Kıno • Keshe

Azattyq úshin arpalysqan

Tarıh • Keshe

Dıllıan Ýaıt qaharyna mindi

Kásipqoı boks • Keshe

Uqsas jańalyqtar