Qazaqstan • 01 Jeltoqsan, 2021

Vladımır Pýtın Elbasy Nursultan Nazarbaevqa quttyqtaý joldady

67 ret kórsetildi

Reseı Prezıdenti Vladımır Pýtın Elbasy Nursultan Nazarbaevqa Qazaqstan Prezıdentiniń alǵashqy jalpyhalyqtyq saılaýyndaǵy jeńisiniń 30 jyldyǵymen quttyqtap, jedelhat joldady. Jedelhat mátini Kreml saıtynda jarııalandy, dep habarlaıdy Egemen.kz.

«Qurmetti, Nursultan Ábishuly! Qazaqstan Respýblıkasy Prezıdentiniń birinshi jalpyhalyqtyq saılaýyndaǵy jeńisińizdiń 30 jyldyǵyna – ataýly dataǵa oraı shyn júrekten quttyqtaýymdy qabyl alyńyz. Sizdiń memleket basshysy bolǵan jyldaryńyz qazirgi zamanǵy qazaqstandyq memlekettik qalyptasý kezeńine aınaldy.

Sizdiń basshylyǵyńyzben respýblıka ekonomıkalyq, áleýmettik, ǵylymı-tehnıkalyq jáne basqa da salalarda tamasha jetistikterge qol jetkizdi. Álemdik arenada joǵary bedelge ıe boldy. Sizdiń reseılik-qazaqstandyq strategııalyq seriktestik jáne odaqtastyq qarym-qatynasty qalyptastyrýǵa ári damytýǵa, sonymen qatar postkeńestik keńistiktegi ózara tıimdi ıntegrasııalyq prosessterdi, EýrazES, UQShU, TMD, ShYU jáne ózge de kópjaqty qurylymdar aıasyndaǵy syndarly yntymaqtastyqty jolǵa qoıýǵa qosqan jeke úlesińizdi baǵalaý óte qıyn.

Sizdiń boıyńyzdaǵy memleket qaıratkeriniń mol tájirıbesi, jan-jaqty bilim, saıası danalyq pen kóregendilik Qazaqstanǵa da, halyqaralyq isterde aldaǵy ýaqyttada qajet bola beretindigine kúmán keltirmeımin. Bizdiń adal qarym-qatynasymyzdy shynaıy baǵalaımyn jáne Sizden dostyq baılanysymyzdyń jalǵasatyndyǵyna senemin.

Sizde zor densaýlyq, uzaq ǵumyr, baǵyt, jan sergektigi me tabystar tileımin! Qurmetpen, Vladımır Pýtın», delingen jedelhatta.

Sońǵy jańalyqtar

Amanatqa adaldyq

Ádebıet • Keshe

Jantórın jańalyǵy

Kıno • Keshe

Azattyq úshin arpalysqan

Tarıh • Keshe

Dıllıan Ýaıt qaharyna mindi

Kásipqoı boks • Keshe

Uqsas jańalyqtar