Aımaqtar • 04 Jeltoqsan, 2021

Kreatıvti kitap dúkeni

72 ret kórsetildi

Kenshiler astanasyndaǵy Abaı atyndaǵy oblystyq balalar kitaphanasynyń ishinen Qasym kitaphanasy serııa­symen shyǵatyn kitaptardyń arnaıy dúkeni ashylyp, oqyrman qaýymǵa sapaly qyzmet kórsete bastady.

Joba avtorlary dúkenniń ishki dızaınyna erekshe mán ber­gen. Olardyń aıtýynsha, mun­da kelgen adamdar qustyń uıa­syndaı jy­lylyqty, qyzdyń jıǵan júgindeı uqyptylyq pen áde­milikti birden sezinedi.

Rasynda da, dúken ishindegi túsqaǵazdyń reńi, qabyrǵadaǵy uly sýretkerlerdiń portretteri, sándi kitap sóreleri, ondaǵy ásem bezendirilgen kitaptar oqyrman qaýymdy birden baýrap, olardyń kóńil kúıine ádemi áser syılaıdy.

Qasym kitaphanasy dúkenine kelgen adam osy jerden «Qasym baspa úıi» JShS shyǵarǵan ki­taptardy satyp ala alady. So­ny­men birge oqyrmannyń bólme ishine qoıylǵan ústel basynda kofe nemese shaı ishe otyryp, ózine unaǵan kitapty tegin oqý múmkindigi bar.

– Dúkenniń eń basty mıssııasy – qazaqtildi oqyr­mandardy ki­­­tap oqý mádenıetine úı­retý, – deı­­di joba avtor­larynyń biri, bel­gili kásipker Er­lan Áshim.

Jańa kitap dú­keninde úsh adam tu­raqty jumys is­teıdi. Olar­dyń biri ki­tap satýmen aınalyssa, ekinshisi kelý­shilerge dám­di kofe men shaı usynady. Al úshin­shi qyzmetker oqyrmandy qalaýyna qaraı fotoǵa túsirip otyrady.

Kitap dúkenine alǵashqylardyń biri bolyp bas suqqan Ashat Qa­jytaı esimdi oqyrman mundaǵy qonaqjaı peıildiń ózine qatty unaǵanyn aıtady.

– Kreatıvke toly quthana eken. Shaı ishtik, kitap jaıly pikir almas­­tyq. О́zim jeke kitaphanamdy Táken Álimqulovtyń «Telqońyr» týyndysymen tolyqtyrdym, – deıdi ol.

Joba avtorlary jalǵyz ǵana osy dúkenmen shektelip qalmaı, aldaǵy ýaqytta Qaraǵandynyń basqa aýdandarynan jáne ózge de qalalardan dál osyndaı kreatıvti saýda núktelerin ashýdy josparlap otyr.

 

QARAǴANDY

Sońǵy jańalyqtar

Amanatqa adaldyq

Ádebıet • Keshe

Jantórın jańalyǵy

Kıno • Keshe

Azattyq úshin arpalysqan

Tarıh • Keshe

Dıllıan Ýaıt qaharyna mindi

Kásipqoı boks • Keshe

Uqsas jańalyqtar