Baıqaýdyń marapattaý rásiminde sóz alǵan Almaty qalasy ákiminiń orynbasary Erjan Babaqumarov is-sharanyń mańyzyna toqtalyp, Almatyda el boıynsha eń úlken jýrnalıstik pýldyń bar ekenin atap ótti.
Konkýrstyq saraptaý komıssııasynyń quramynda Qazaqstan jýrnalıstıkasynyń akademıgi Valerıı Jandáýletov, Qoǵamdyq keńestiń múshesi, táýelsiz jýrnalıst Sergeı Ponomarev, qalalyq Qoǵamdyq damý basqarmasynyń basshysy Dıas Esdáýletov boldy.
Baıqaý qorytyndysy boıynsha 20 jýrnalıst jeńimpaz dep tanyldy. Olardyń qatarynda bizdiń áriptester de bar. Máselen «Úzdik jańalyq: Saraptamalyq materıal» atalymy boıynsha egemendik Arman Oktıabr jeńimpazdar qatarynan kórinse, Almatydaǵy áleýmettik ınfraqurylymdy damytý jáne abattandyrý salasyndaǵy ózgeristerge arnalǵan maqala jazǵan tilshiler ishinde Aınash Esalynyń mereıi ústem boldy.
