Birinshi, Táýelsizdik kez kelgen azamat úshin eń qasterli aqıqat. Ekinshi, birlik pen kelisim-eldigimizdiń myzǵymas tuǵyry. Úshinshi, Jer - ata-baba murasy, halyq qazynasy. Tórtinshi, Otbasy men salt-dástúr-qoǵamnyń altyn dińgegi. Besinshi, ulttyq mádenıet - halyqtyń rýhanı tiregi. Altynshy, bilim men eńbek - baqýatty ómirdiń kilti. Jetinshi, pragmatızm - básekege qabiletti bolýdyń kepili.
Memleketimiz Táýelsizdik alǵanyna bıyl 30 jyl tolyp otyr. Búgingi tańda jahandanýdyń taǵy bir jańa baspaldaǵyna qadam basyp, otanymyz ár salada órkendeýmen qatar halyqaralyq arenada oıyp alar oryny bar. Elbasy aıtyp ótken qasterli Táýelsizdik, ulttyq qundylyqtardy saqtaý, ata-baba murasy jerdi qasıeti, otbasynyń mańyzdylyǵy eldigimizdiń nyshany dep bilemin. Maqalada aıtylǵan árbir teńeý, árbir tuǵyr mańyzdy, Táýelsizdik pen Jer ata-baba qazynasy degen pikirdi túsiný, kóńilge toqý biz, jas býyn úshin ómirlik kredo bolǵany abzal. Kez kelgen ult úshin jáne onyń damýy, tarıh sahnasynan joǵalyp ketpesi úshin ulttyq kod, ulttyq mıssııa jáne ulttyq ıdeologııanyń oryny erekshe. Ol degenimiz tilimiz, dilimiz, ulttyq dástúrimiz, dinimizdi jiti túsiný úshin osy maqalanyń bereri óte kóp. Memleketimizdiń birligi, tatý tátti ómir súrýi elimizdiń kemel bolashaǵy úshin óte mańyzdy der edim.
Qurasbek Sádibekov,
«Bolashaq» baǵdarlamasynyń túlegi, Nazarbaev ýnıversıteniniń magıstranty
