Egemen Qazaqstan • 06 Jeltoqsan, 2021

«Egemen Qazaqstan» gazeti men «Rossııskaıa gazeta» ózara kelisim jasasty

2530 ret kórsetildi

Respýblıkalyq «Egemen Qazaqstan» gazeti men «Rossııskaıa gazeta» baspasy ózara is-qımyl týraly áriptestik kelisimge qol qoıdy, dep habarlaıdy Egemen.kz.

Eki el gazetiniń kelisimge kelýdegi basty maqsaty – ózara aqparat almasý jáne tájirıbe bólisý.

«Búgin «Rossııskaıa gazeta» basylymymen kelisimge qol qoıdyq. Bul ekijaqty aqparat jáne tájirıbe almasýǵa múmkindik beredi. Atalǵan basylym - Reseıdiń bas gazeti jáne birneshe qosymshasy bar. Mıllıondaǵan tırajben shyǵady. Sondyqtan bul kelisim ýaqyt óte kele óz tıimdiligin kórsetedi dep oılaımyn. Elordaǵa orys basylymnyń birinshi basshysy arnaıy kelip otyr. Bul, bir jaǵynan, bizdiń elge degen qurmetti bildiredi. Kelisimge kelmes buryn másele aldyn ala talqylandy. Budan bylaı atalǵan reseılik basylym Qazaqstanda bolyp jatqan jańalyqtardy biz arqyly ala alady. Tıisinshe kórshi Reseıde bolyp jatqan jaıttarǵa biz «Rossııskaıa gazeta» basylymy arqyly jedel qol jetkize alamyz», dedi «Egemen Qazaqstan» AQ basqarma tóraǵasy Darhan Qydyráli.

«Bizdiń gazet - memlekettik basylym. Iаǵnı, bıýdjet tolyqtaı memlekettik. Árıne memlekettik bıýdjetten bólek, BAQ retinde qosymsha tabys tabýǵa quqyǵymyz bar. Bizdiń gazettiń baǵyty saıası-qoǵamdyq jáne quramymyzda birneshe basylym bar. Onyń ishinde kúndelikti jáne aptalyq gazet te bar. Sondaı-aq bizdiń basylymnyń betine memlekettik zańdar, Prezıdent qaýlysy jáne taǵy mańyzdy memlekettik normatıvtik qujattar jarııalanady. Biz gazetti oqyrmandarǵa tegin taratamyz. Medıholdıng quramynda gazetten bólek, «Rodına» jýrnaly da jaryq kóredi. Búgingi «Egemen Qazaqstan» gazetimen jasalyp jatqan – seriktestik kelisimi. Iаǵnı ózara aqparat almasý jáne bir-birimizden úırený», dedi «Rossııskaıa gazeta» basylymynyń bas dırektory Pavel Negoısa.

Shara sońynda «Egemen Qazaqstan» AQ basqarma tóraǵasy Darhan Qydyráli jáne «Rossııskaıa gazeta» basylymynyń bas dırektory Pavel Negoısa ekijaqty seriktestik týraly kelisimge qol qoıdy.

Sońǵy jańalyqtar

Uqsas jańalyqtar