Ekonomıka • 06 Jeltoqsan, 2021

Zeınetaqy qoryndaǵy artyq qarajatty «Otbasy bankke» aýdarýǵa ruqsat etiledi

149 ret kórsetildi

Bul týraly QR IIDM Qurylys jáne turǵyn úı-kommýnaldyq sharýashylyq isteri komıtetiniń baspasóz qyzmeti habarlady. Vedomstvo ókilderiniń aıtýynsha, BJZQ-daǵy artyq qarajatty kelesi jyldan bastap «Otbasy bankke» aýdarýǵa bolady, dep jazady Egemen.kz.

Komıtet salymdy tolyqtyrýdaǵy buıryq ózgeristeriniń ázirleýshisi bolyp otyr. Kelisý kezinde Eńbek mınıstrligi qujatty qaıta qaraýǵa qaıtarǵan.

«Ult josparynyń» «Turǵyn úı qatynastary týraly» 103-tarmaǵyna sáıkes tólemderdi tolyqtyrý bóligindegi buıryqqa ózgerister engizýdi ázirleý bizge tapsyryldy. Joba ózge qyzyǵýshylyq tanytqan memlekettik organdardyń kelisiminen ótedi. О́z kezeginde olar da eskertýler men usynystaryn engize alady. Osyǵan baılanysty joba Eńbek mınıstrligine qatysty bóligin qaıta qaraý úshin qaıtaryldy. Qazirgi sátte biz atalǵan jobany ári qaraı jyljytý úshin qyzyǵýshylyq tanytqan memlekettik organdarmen ortaq kelisimge keldik, dedi komıtettiń baspasóz qyzmeti.

Memleket basshysynyń 1 qyrkúıektegi Joldaýyna sáıkes, halyqtyń zeınetaqy salymdaryn BJZQ-dan «Otbasy bankindegi» depozıtke aýdarý normasy 2022 jyldyń qańtaryna belgilengen.

 

 

Sońǵy jańalyqtar

Petropavlda jas jigitti KamAZ qaǵyp ketti

Aımaqtar • 27 Mamyr, 2022

Uqsas jańalyqtar