Koronavırýs • 07 Jeltoqsan, 2021

«Omıkron» shtamyn anyqtaıtyn PTR test jasaldy

82 ret kórsetildi

Sıngapýr ǵalymdary «omıkron» koronavırýs shtamyn anyqtaıtyn álemdegi alǵashqy mamandandyrylǵan PTR testin jasap shyǵardy, dep habarlaıdy Egemen.kz.

Testti Bio Acumen Global farmasevtıkalyq kompanııasy ázirledi. Qazirgi kezdegi testter koronavırýstyq ınfeksııany anyqtaı alady, biraq pasıenttiń qandaı shtamdy juqtyrǵanyn kórsetpeıdi. Jańa testti qoldaný ýaqytty únemdeýge kómektesedi, COVID-19 juqtyrý faktisin jáne organızmde «omıkron» shtamynyń bar-joǵyn birden anyqtaıdy. Ázirleýshi kompanııa jaqyn arada kórshi elderge jańa PTR-testilerdi jetkizýdi josparlap otyr.

Reseılik vırýsolog Petr Chýmakov «omıkron» shtamyn «tiri» vaksına dep atady. V. A. Engelhardt atyndaǵy molekýlalyq bıologııa ınstıtýtynyń zerthana meńgerýshisi «omıkronnyń» paıda bolýymen adamzat lokdaýndar týraly umyta alady degen úmitin bildirdi. 

«Tabıǵat koronavırýsqa qarsy tiri vaksına jasady degen optımıstik pikir bar. Iаǵnı, osy shtammen aýyrǵan adamdar saýyǵyp shyqqannan keıin patogendik nusqalarǵa tózimdi keledi», dep usyndy Chýmakov. 

Biraq sońǵy tujyrymdardy jasaýǵa áli erte ekendigi de atap ótildi.

 

Uqsas jańalyqtar